កូរ៉េខាងត្បូង៖ ពេលវេលាពិតជាដើរទៅ លឿនខ្លាំងណាស់ ថ្ងៃមុនទើបតែជាកូនក្មេងសោះ តែពេលនេះតារាប្រុសស្រីក្មេងៗទាំងនេះ បានធំពេញវ័យក្លាយទៅជា តារាសម្តែងដ៏ឆ្នើមក្នុងវិស័យភាពយន្ត របស់កូរ៉េខាងត្បូងនោះ ពេលបច្ចុប្បន្ននេះទៅហើយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សពិតណាស់អ្នកដែលធ្លាប់ ទស្សនារឿងភាគដែលតារាក្មេងៗទាំងនេះ ធ្លាប់បានសម្តែង ប្រាកដជា មានអារម្មណ៍ថា អ្វីៗហាក់ដូចជាកន្លងផុតទៅ តែមួយពព្រិចភ្នែកសោះ តែពេលនេះពួកគេទាំងប៉ុន្មានដួងនេះ បានវិវត្តន៍ខ្លួនក្លាយជាមនុស្សពេញវ័យ ពេញរូបពេញរាងបាត់ទៅហើយ។ រីឯរូបសម្ពស្សវិញក៏ស្រស់ស្អាតនិង ស្រស់សង្ហាមិនចាញ់គ្នា ប៉ុន្មាននោះដែរ។
តោះចង់ដឹងថាពេលនេះ ពួកគេមានការផ្លាស់ប្តូរ ក៏ដូចជាស្រស់ស្អាតប្លែកខុស កាលពីពេលដែលពួកគេ នៅកាលពីក្មេងយ៉ាងណានោះ៕ សូមទៅទស្សនារូបភាពទាំងអស់គ្នា៖
១. Kim Saero
Kim Saero កើតនៅឆ្នាំ២០០០។ Saero បានប្រឡូកចូលសិល្បៈ តាំងពីនាងមានវ័យត្រឹមតែ៩ឆ្នាំមកម្ល៉េះ។ ហើយរឿងភាគដែលSaero សម្តែងដំបូងគេគឺរឿង ដែលមានចំណងជើងថា“A Brand New Life”។
២. Lee Hyunwoo
Lee Hyunwoo បានបង្ហាញខ្លួនដំបូង ក្នុងខែ្សភាពយន្តដែលមាន ចំណងជើងថា “Oolla Boolla Blue-jjang” ដែលកាលនោះHyunwoo មានអាយុ១១ឆ្នាំ។
៣. Kim Yoo-jung
Yoo-jung ប្រឡូកចូលក្នុងការសម្តែងដំបូង តាំងតែពីនាងមានអាយុត្រឹមតែ ៤ឆ្នាំតែប៉ុណ្ណោះ។ ហើយក្នុងពេលនោះYoo-jung ក៏បានក្លាយទៅជាក្មេង ដែលជាតម្រូវការរបស់ផលិតករនានា ក្នុងការសម្តែងក្នុងរឿងភាគ របស់ពួកគេផងដែរ។
៤. Yeo Jingoo
Yeo Jingoo បង្ហាញខ្លួនដំបូងក្នុងវ័យ៨ឆ្នាំ។ ក្នុងខ្សែភាពយន្តដែលមាន ចំណងជើងថា “Sad Movie” ។ ហើយYeo Jingoo ក៏ជាតារាប្រុសវ័យក្មេង ដែលបានទទួលពានរង្វាន់ តារាសម្តែងប្រុសថ្មី ល្អបំផុតនៅ“Blue Dragon Film Awards” ក្នុងចំណោមតារាល្បីៗ ជាច្រើនទៀតផងដែរ។
៥. Kim Sohyun
គិតមកដល់ពេលនេះSohyun ទើបតែមានអាយុ១៩ឆ្នាំតែប៉ុណ្ណោះ តែនាងបានគ្រងនៅតំណែង ជាតួឯកក្នុងខ្សែភាពយន្តជាច្រើន រួមទាំងជាម្ចាស់ពានរង្វាន់ រាប់ភ្លេចក្នុងការសម្តែង របស់នាងទៅហើយ។ Sohyun បង្ហាញខ្លួនដំបូងកាលពីនាង មានអាយុ៧ឆ្នាំ ក្នុងរឿង “Drama City”។
៦. Yoo Seungho
Seungho បង្ហាញខ្លួនដំបូងក្នុងនាមជា តារាសម្តែងវ័យក្មេងដែល មានអាយុត្រឹមតែ៧ឆ្នាំតែប៉ុណ្ណោះ ក៏ប៉ុន្តែពេលនេះរូបគេបានក្លាយជា តួឯកប្រុសយ៉ាងសង្ហារ ក្នុងខ្សែភាពយន្ត នាពេលបច្ចុប្បន្ននេះទៅហើយ។
៧. Kim Hyanggi
Hyanggi កើតនៅឆ្នាំ២០០០ នាងចាប់ផ្តើមអាជីពជា តារាសម្តែងរបស់នាងតាំងពីអាយុ៦ឆ្នាំ ក្នុងរឿង “Heart Is…” ។
៨. Nam Dareum
អ្នកគ្រប់គ្នាប្រាកដជា ធ្លាប់បានឃើញការសម្តែងរបស់ តារាប្រុសវ័យក្មេងរូបនេះហើយ។ Dareum បានបង្ហាញខ្លួនដំបូង កាលពីឆ្នាំ២០០៩ ក្នុងរឿងភាគដ៏ល្បីរបស់កូរ៉េខាងត្បូង ដែលមានលំនាំពីរឿងភាគចិន មានចំណងជើងថា“Boys Over Flowers”។ ហើយមកដល់ពេលនេះ Dareum ក៏កំពុងតែសម្តែងជា តួឯកប្រុសក្នុងរឿងភាគដែលមានចំណងជើងថា “Beautiful World” សម្រាប់ស្ថាននីយទូរទស្សន៍JTBC ផងដែរ។