មិនទាន់អស់ទេ! ផេន ខេត ស្អាតប៉ុណ្ណឹងទៅហើយនៅតែកែសម្ផស្សថែមទៀត

ភ្នំពេញ៖ ដូចដែលប្រិយមិត្តបានជ្រាបរួចមកថា ក្រោយពីតារាសម្ដែងដែលទើបតែក្លាយជាស្រីពេញលេញកញ្ញា ផេន ខេត ឆ្លងកាត់ការវះកាត់ជាច្រើនដង ទម្រាំតែដូចបំណងនាពេលសព្វថ្ងៃនេះ ត្រូវចំណាយប្រាក់និងពេលវេលាមិនតិចនោះទេ។

លើសពីនេះទៅទៀតនោះ បើតាមការសម្ភាសន៍ជាមួយនឹងកញ្ញា ផេន ខេត ដោយក្រុមការងារខ្មែរឡូតនាពេលកន្លងមកនោះ តារាសម្ដែងមាឌធំរូបនេះបានឲ្យដឹងថា នាងបានធ្វើការកែសម្ផស្សនៅលើដងខ្លួនរបស់នាង ស្ទើរតែគ្នាចន្លោះ ទម្រាំតែស្អាតបែបនេះ។
 ជាក់ស្ដែង កាលពីម្សិលមិញនេះដែរ បើតាមការបង្ហោះរូបភាពជាច្រើនរបស់ខ្លួន នៅលើគណនីផ្លូវការ ជាមួយនឹងសកម្មភាពទៅវត្តជាមួយមិត្តភក្តិ អមទៅដោយទឹកមុខស្រស់ស្រាយខ្លាំងតែម្ដង។

ក្នុងនោះផងដែរ គេសង្កេតឃើញថា មានការចាប់អារម្មណ៍យ៉ាងខ្លាំងទៅលើ ផេន ខេត ដោយនាង បានធ្វើការវះកាត់កែត្របកភ្នែកជាថ្មី ធ្វើឲ្យបណ្ដាអ្នកប្រើប្រាស់បណ្ដាញសង្គម មានការភ្ញាក់ផ្អើលខ្លាំងមែនទែន។
 គួរឲ្យដឹងផងដែរថា នេះជាលើកទីពីរហើយ ដែលតារាសម្ដែងស្រីមាឌធំដ៏មានប្រជាប្រិយភាពរូបនេះបានធ្វើការវះកាត់ត្រង់ត្របកភ្នែកបែបនេះ៕

តោះកុំឲ្យខាតពេលទៅទស្សនារូបភាពទាំងអស់គ្នា៖