កូរ៉េខាងត្បូង៖ បន្ទាប់ពីមិនប៉ុន្មានថ្ងៃមុន ដែលតារាចម្រៀងស្រីស៊ិចស៊ី HyunA ត្រូវបានរងការរិះគន់យ៉ាងចាស់ដៃពីសំណាក់មហាជន ដោយសារតែនាងបានរាំលើកខោបញ្ចេញខោក្នុងនៅលើឆាកនោះ ស្រាប់តែពេលនេះ នាងបានធ្វើឲ្យមហាជនមានការភ្ញាក់ផ្អើលជាថ្មី ជាមួយនឹងការផ្លាស់ប្តូរស្ទាយ៍តុបតែងខ្លួនថ្មី ដែលនាងទើបតែថតបង្ហាញម៉ូតដាក់លើក្របទស្សនាវដ្តីកាលពីថ្មីៗនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាការពិតណាស់ មិនត្រឹមតែបានធ្វើឲ្យអ្នកគាំទ្រមានការភ្ញាក់ផ្អើលតែប៉ុណ្ណោះនោះទេ ប៉ុន្តែសូម្បីបណ្តាអ្នកលេងបណ្តាអ៊ីនធឺណែតនានា ក៏បានលាន់មាត់សរសើរពីសម្រស់ស្រស់ស្អាតប្លែករបស់ HyunA ផងដែរ។ តួយ៉ាង ការថតម៉ូតដាក់ទស្សនាវដ្តីលើកនេះ តារាស្រីវ័យ២៧ឆ្នាំរូបនេះ ផ្លាស់ប្តូរទាំងស្រុងពីស្ទាយ៍ស៊ិចស៊ី មកជាការលេងស្ទាយ៍សម្លៀកបំពាក់បែបសុភាពគួរឲ្យស្រលាញ់ ជាមួយនឹងការតុបតែងមុខបែបស្រាលៗ ដែលមើលទៅពិតជាស្រស់ស្អាតបែបធម្មជាតិតែម្តង។
មិនតែប៉ុណ្ណោះ ក្រោយពីឃើញបែបនេះ អ្នកគាំទ្រជាច្រើនក៏បានលើកឡើងថា ពួកគេពិតជាចូលចិត្តពេលដែល HyunA តែងខ្លួនធម្មជាតិៗបែបនេះ ជាជាងពេលដែលនាងតែងខ្លួនស៊ិចស៊ីបញ្ចេញសាច់ បបូរមាត់ពណ៌ក្រហមខ្លាំងណាស់៕
ចុះប្រិយមិត្តវិញចូលចិត្តស្ទាយ៍មួយណាជាង?