កូរ៉េខាងត្បូង៖ កាលពីម្សិលមិញនេះ ក្រុមចម្រៀងនារីកូរ៉េកំពុងពេញនិយម TWICE បានបញ្ចេញនូវវីដេអូបទចម្រៀងថ្មីរបស់ខ្លួនជាផ្លូវការ ចំណងជើងថា «Feel Special» ដែលប្រិយមិត្តគាំទ្រចាប់អារម្មណ៍ឃើញថា ការតុបតែងខ្លួនរបស់សមាជិកនីមួយៗទាំង៩នាក់ គឺសុទ្ធសឹងតែមានភាពស្រស់ស្អាត ទាក់ទាញមន្តស្នេហ៍ផ្សេងៗពីគ្នា មិនតែប៉ុណ្ណោះ នៅក្នុងវគ្គមួយនៃវីដេអូបទចម្រៀងនេះ ក៏បានធ្វើឲ្យប្រិយមិត្តគាំទ្រទស្សនាជាច្រើន ស្ទើរតែទប់ទឹកភ្នែកមិនបានផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាការពិតណាស់ សម្រាប់វីដេអូបទចម្រៀងថ្មីមួយនេះ យើងឃើញថា Mina សមាជិកក្រុមTwice ដែលនាងកំពុងតែមានសុខភាពទន់ខ្សោយ ស្ថិតក្រោមការព្យាបាលយ៉ាងដិតដល់ អស់រយៈពេលជាច្រើនខែមកនេះ នាងក៏បានបង្ហាញខ្លួនសម្តែងនៅក្នុងបទចម្រៀងថ្មីមួយនេះផងដែរ។
ជាក់ស្តែង នៅក្នុងឈុតមួយដែល Mina និង Chaeyoung មកដើរសន្សឹមៗមកប្រឈមមុខគ្នា រួចអ្នកទាំងពីរក៏បានញញឹមដាក់គ្នាទៅវិញទៅមក ដោយក្នុងកែវភ្នែកពោរពេញទៅដោយមនោសញ្ចេតនា និងការឲ្យកម្លាំងចិត្តចំពោះគ្នានោះ ដោយត្រង់ឈុតមួយនេះបានធ្វើឲ្យអ្នកគាំទ្រក្តុកក្តួលជាខ្លាំង ដោយសារតែកន្លងពួកគេបានដឹងថា Mina និង Chaeyoung ពួកគេទាំងពីរពិតជាមានភាពស្និទ្ធស្នាលនឹងគ្នាខ្លាំងបំផុត ហើយពួកគេក៏តែងតែបង្ហាញពីសេចក្តីស្រលាញ់ និងការមើលថែយកចិត្តទុកដាក់ចំពោះគ្នាគ្រប់ពេលពេលវេលាផងដែរ ចាប់ពីពួកគេចូលប្រឡូកសិល្បៈដំបូងមកម៉្លេះ។ មិនតែប៉ុណ្ណោះ Mina ថែមទាំងធ្លាប់បាននិយាយថា ទម្លាប់ប្រចាំថ្ងៃរបស់នាង គឺការបានឃើញមុខរបស់ Chaeyoung ថែមទៀតផងដែរ៕