មិនសរសើរមិនបាន! ពេលឃើញឱក សុគន្ធកញ្ញា លេងខ្លួនក្នុងឈុតខ្មែរប្លែកភ្នែក ជាគណកម្មការX Factor លើកនេះ!

ភ្នំពេញ៖ ការតែងខ្លួនរបស់តារាចម្រៀងស្រី អ្នកនាងឱក សុគន្ធកញ្ញា ត្រូវបានអ្នកគាំទ្រជាច្រើននាំគ្នាចាប់អារម្មណ៍កាន់តែខ្លាំងឡើង នៅក្នុងកម្មវិធីលំដាប់ថ្នាក់ពិភពលោក X Factor ពីមួយសប្តាហ៍ទៅមួយសប្តាហ៍។

សម្រាប់សប្តាហ៍នេះក៏កាន់តែប្លែកភ្នែក ក្រោយអ្នកម្តាយសម័យថ្មីរូបនេះ បានធ្វើការតុបតែងខ្លួនក្នុងឈុតសម្លៀកបំពាក់យ៉ាងប្លែកភ្នែកបែបសុភាពគួរឲ្យសរសើរ ទោះបីជាកំពុងពរពោះកូនក្នុងផ្ទៃយ៉ាងណាក្តី ដែលធ្វើឲ្យអ្នកគាំទ្រជាច្រើនសរសើរដល់នាងគ្រប់គ្នា។

ដោយក្នុងនោះឃើញថា នាងជ្រើសរើសឈុតសម្លៀកបំពាក់ខ្មែរ ធ្វើឡើងយ៉ាងសុភាព ជាមួយនឹងម៉ូតសក់យ៉ាងប្លែក អង្គុយលើកៅអីគណកម្មការកម្មវិធី X Factor ពោរពេញដោយភាពជឿជាក់ និងស្រស់ស្អាតយ៉ាងខ្លាំង។

ជាមួយគ្នានេះដែរ បណ្តាអ្នកគាំទ្រជាច្រើន បាននាំគ្នាពេញចិត្តជាមួយនឹងការតែងខ្លួនរបស់នាង ដែលទោះបីជាកំពុងតែពរពោះកូនក្នុងផ្ទៃយ៉ាងណាក្តី ការតែងខ្លួនរបស់នាងនៅតែស្អាត សុភាព បែបថ្លៃថ្នូរ  មិនបញ្ចេញនូវភាពស៊ិចស៊ីនោះទេ៕

សូមទស្សនារូបភាពខាងក្រោមនេះ៖