ភ្នំពេញ៖ ការប្រកួតប្រដាល់គុនខ្មែរ ដណ្ដើមពានរង្វាន់ព្រឹទ្ធាចារ្យ ម៉ា សេរី របស់ស្ថានីយ៍ទូរទស្សន៍ CNC កាលពីល្ងាចថ្ងៃសៅរ៍កន្លងទៅ ជើងខ្លាំងវ័យក្មេងកំពុងឡើងកូដមកពីខេត្តបាត់ដំបង ឈុត សេរីវ៉ាន់ថង បានប្រកួតឈ្នះសិស្សគុនមកពីក្លិបឆ្មារសសែនសុខ អេលីត សាន់ ដោយពិន្ទុ ក្រោយតស៊ូគ្នាយ៉ាងស្វិតស្វាញ ៥ទឹកនៅលើសង្វៀន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សការប្រកួតរវាងកីឡាករទាំងពីរធ្វើឡើងក្នុងប្រភេទទម្ងន់ ៦០គីឡូក្រាម។ ការប្រកួតពេញ ៥ទឹកកីឡាករទាំងពីរសម្រុកគ្នាខ្លាំងៗមែនទែន ដោយការទាត់ ដូរដៃគ្នា និងការវាយកែង។ ជាក់ស្ដែងនៅក្នុងទឹកទី២ អេលីត សាន់ ប្រើកណ្ដាប់ដៃវាយឈុត សេរីវ៉ាន់ថង ឲ្យលោកអាជ្ញាកណ្ដាលរាប់ ប៉ុន្តែក្រោយតែការរាប់នោះហើយ វ៉ាន់ថង បានព្យាយាមសម្រុកវិញមួយទំហឹងតែម្ដង ដែលបានធ្វើឲ្យការប្រកួតកាន់តែជក់ចិត្តជាខ្លាំង។ ជាលទ្ធផលចប់ការប្រកួត ៥ទឹកគណកម្មការបានផ្ដល់ពិន្ទុឲ្យ ឈុត សេរីវ៉ាន់ថង ឈ្នះដោយឯកច្ឆ័ន៕
ចង់ឃើញថាការប៉ះគ្នារវាងកីឡាករជើងខ្លាំងខ្មែរ និងខ្មែរល្អមើលយ៉ាងណានោះ ទៅទស្សនាវីដេអូខាងក្រោមទាំងអស់គ្នា៖
ប្រភព៖ SportZone