ភ្នំពេញ៖ តាមទំនៀមទម្លាប់ប្រពៃណីខ្មែរពីបរមបុរាណមក ក្នុងរដូវបុណ្យភ្ជុំបិណ្ឌបងប្អូនខ្មែរយើងតែងធ្វើម្ហូបទៅវត្តប្រគេនព្រះសង្ឃចែករំលែកដល់ជនទីទាល់ក្រ និងបង្សុកូលរំលឹកដល់វិញ្ញាណក្ខន្ធជីដូនជីតា សុំសេចក្ដីសុខ សេចក្ដីចម្រើន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សមកទល់បច្ចុប្បន្ននេះ ពិធីបុណ្យភ្ជុំបិណ្ឌបានបង្កប់អត្ថន័យកាន់តែពិសេសមួយទៀត សម្រាប់គ្រួសារដែលមានកូនចៅចេញទៅធ្វើការងារឆ្ងាយពីផ្ទះ។ ម្ដាយឪពុកណាដែលមិនចង់ឃើញកូនជោគជ័យក្នុងការងារ ឬការសិក្សានោះ បើទោះលោកទាំងពីរនឹកនាកូនសម្លាញ់យ៉ាងណាក៏ដោយ ក៏មិនទាមទារឲ្យកូនចុះឡើងស្រុកញឹកញាប់នោះដែរ។
មានតែឱកាសបុណ្យភ្ជុំបិណ្ឌនេះហើយ ដែលកូនៗអាចឈប់សម្រាកពីការងារបានដល់ទៅ ៣ ថ្ងៃ អំណោយផលបំផុតសម្រាប់ការទៅលេងស្រុកកំណើត និងចំណាយពេលដ៏មានគុណភាពជាមួយក្រុមគ្រួសារ។
ដូច្នេះទើបបច្ចុប្បន្ន ការជួបជុំគ្រួសារ និងញុំាអាហារជុំគ្នាយ៉ាងកក់ក្ដៅ ក៏បានក្លាយជាសារដ៏សំខាន់មួយដែរ ក្នុងរដូវភ្ជុំបិណ្ឌជំនាន់ថ្មីនៅកម្ពុជា។ គេសង្កេតឃើញថា ឲ្យតែដល់ភ្ជុំម្ដងៗអ្នកម្ដាយនៅតាមខេត្តតែងរៀបចំផ្ទះយ៉ាងស្អាត និងធ្វើម្ហូបនំចំណីឆ្ងាញ់ៗ ទន្ទឹងចាំផ្លូវកូនៗមកលេង និងញុំាបាយជុំគ្នា។ ឯកូនៗក៏មិនខានដែលរឿងទៅលេងស្រុកកំណើតជួបជុំគ្រួសារ និងកំដរអ្នកម្ដាយទៅធ្វើបុណ្យនោះវត្តជាមួយគ្នា៕
តោះ! ឥលូវមកជួបជាមួយអ្នកម្ដាយបីរូប ដែលកំពុងរវល់រៀបចំដាំស្លទាំងរំភើបរីករាយ រង់ចាំផ្លូវកូនមកញុំាបាយជុំគ្នាថ្ងៃភ្ជុំបិណ្ឌដូចខាងក្រោម៖