កូរ៉េខាងត្បូង៖ ក្រុមចម្រៀងនារីBLACKPINK បានធ្វើឲ្យអ្នកគាំទ្រជាច្រើនរបស់ខ្លួន មានការព្រួយបារម្ភនៅពេលដែល លទ្ធផលនៃការលក់សំបុត្រចូលរួម ក្នុងកម្មវិធីជួបជុំជាមួយអ្នកគាំទ្រ កាលពីខែកញ្ញាកន្លង មានការធ្លាក់ចុះយ៉ាងខ្លាំង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សគួរបញ្ជាក់ផងដែរថា កម្មវីធីបានរៀបចំឡើងកាលពីថ្ងៃទី២១ ខែកញ្ញា នៅវេលាម៉ោង៦លា្ងច នៅOlympic Park Olympic Hall។ រីឯសំបុត្រចូលរួមកម្មវិធី បានចាប់ផ្តើមរៀបចំដាក់លក់ តាំងពីខែសីហាមកម្ល៉េះ។ ចំណែកHall នៃការប្រគុំតន្ត្រីនោះ អាចផ្ទុកអ្នកចូលទស្សនាបាន ត្រឹមតែ២,៤៣២ តែប៉ុណ្ណោះ។ ក៏ប៉ុន្តែគេឃើញថា នៅតែមានកន្លែងទំនេរយ៉ាងច្រើន ក្នុងថ្ងៃកម្មវិធីដដែល។
អ្នកគាំទ្រដែលបានទៅទស្សនាផ្ទាល់ បានថតរូបដែលនៅកន្លែងទំនេរ បង្ហោះចូលក្នុងបណ្តាញសង្គម ធ្វើឲ្យមានការចាប់អារម្មណ៍ ពីបណ្តាអ្នកលេងអ៊ីនធីណែត ជាច្រើនផងដែរ។ បើតាមការដែលបានបង្ហាញ បានបញ្ជាក់ថា ចំនួនកៅអីធម្មតានៅសល់ប្រហែលជា៣៨៤កន្លែង និង៥៦VIP សម្រាប់ការជួបជុំលើកទី១ រីឯសម្រាប់កាជួបជុំជាមួយ អ្នកគាំទ្រលើកទី២នៅសល់កៅអី ៣៣០កន្លែងធម្មតា ព្រមទាំងVIP១ មួយកន្លែង៕