បារាំង៖ យោងតាមរបាយការណ៍បានអោយដឹងថា អ្នកចាត់ការទូទៅក្រុម PSG លោក Thomas Tuchel ត្រូវបានក្លិបធំៗ២ចាប់អារម្មណ៍រួមមានក្លិបអ្នកមានបុណ្យ Barcelona និង ក្លិបបិសាចក្រហម Manchester United ដែលលោកអាចជាបេក្ខភាពមកជំនួសលោក Ole Gunnar Solskjaer នៅ Manchester United ឬអាចមកជំនួសដំណែងលោក Ernesto Valverde នៅឯ Barcelona ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សតាមប្រភពពី Le10 Sport បាន ឲ្យដឹង ថាក្រុមបិសាចក្រហម Man Utd បានចាប់អារម្មណ៍យ៉ាងខ្លាំងទៅលើគ្រូបង្វឹកក្រុម Paris Saint-Germain លោក Thomas Tuchel។
អ្នកចាត់ការទូទៅរបស់ក្រុមបិសាចក្រហមលោក Ole Gunnar Solskjaer បានចុះហត្ថលេខាលើកិច្ចសន្យារយៈពេល ៣ ឆ្នាំជាមួយ Manchester United បន្ទាប់ពីបណ្ដេញលោក Jose Mourinho កាលពីខែធ្នូ។
បន្ទាប់ពីចាញ់ក្រុម West Ham ២-០ កាលពីថ្ងៃអាទិត្យក្រុមបិសាចក្រហមឈរនៅចំណាត់ថ្នាក់លេខ ៨ ក្នុងតារាង Premier League ជាមួយនឹងជ័យជម្នះ ២ លើកស្មើ ២ លើកនិងចាញ់ ២ លើកក្នុងចំណោមប្រកួត ៦ របស់ពួកគេ ដោយធ្វើអោយកៅអីរបស់លោក Solkjaer កាន់តែក្ដៅ។
តាមសេចក្តីរាយការណ៍របស់កាសែត The Guardian បានអោយដឹងថាក្រុមបិសាចក្រហមបានជូនដំណឹងដល់ Tuchel អំពីចំណាប់អារម្មណ៍របស់ពួកគេ ទន្ទឹមនឹងនេះក្រុម Barcelona ក៏បានចាប់អារម្មណ៍ទៅលើគ្រូបង្វឹកសញ្ជាតិអាល្លឺម៉ង់រូបនេះដែរក្រោយទទួលបរាជ័យក្រោមថ្វីជើងក្រុម Granada ក្នុងលទ្ធផល២ទល់នឹង០ កាលពីពេលថ្មីៗនេះ៕
ប្រភព៖ Beinsports