មើលវីដេអូនេះទើបដឹងថា ឆាយ វីរៈយុទ្ធ មើលថែភរិយា បានល្អកម្រិតណា ពេលសម្រាលកូន (មានវីដេអូ)

ភ្នំពេញ៖ ដូចដែលប្រិយមិត្តរាល់គ្នា ទើបតែបានជ្រាបហើយថា លោក​ ឆាយ វីរៈយុទ្ធ ដែលជាតារាចម្រៀងប្រុសដ៏ល្បីល្បាញ​ ទើបតែទទួលសមាជិកថ្មី កូនស្រីដំបូងឈ្មោះថា វីរៈយុទ្ធ អភិជាតាទេវី។

លើសពីនេះ គ្រាន់តែកូនស្រីដំបូង របស់​តារាចម្រៀងរូបនេះ កើតភ្លាម មិនទាន់បានប៉ុន្មានថ្ងៃផង ត្រូវបានអ្នកគាំទ្រទាំងអស់ លួចសរសើរមិនដាច់ពីមាត់ ពីមុខមាត់ដ៏ស្រស់ស្អាត​ គួរឲ្យស្រលាញ់មិនចាញ់ប៉ាម៉ាក់នោះទេ។

ក្នុងនោះដែរ កាលពីប៉ុន្មានម៉ោងមុននេះ ឆាយ វីរៈយុទ្ធ បានធ្វើរឿងដ៏គួរឲ្យសរសើរមួយ ក្រោយពីបានបង្ហោះវីដេអូ បង្ហាញពីថ្ងៃដំបូង ដែលភរិយាទើបតែសម្រាលកូន ដោយលោកបាននៅជិតសឹងតែគ្រប់ពេលវេលា ថ្នាក់ថ្នមភរិយា ថែមទាំងនិយាយពាក្យផ្អែមល្ហែម ដាក់ភរិយាជាទីស្រាលាញ់ទៀត។

ក្រោយពីឃើញបែបនេះហើយ ធ្វើឲ្យហ្វេនៗកោតសរសើរដល់ រូបលោកគ្រប់គ្នា ដែលដើរតួជាស្វាមីនិងលោកប៉ាដ៏ល្អ គួរយកជាគំរូបែបនេះ៕

ចង់ជ្រាបច្បាស់ ទស្សនាវីដេអូខាងក្រោម៖