អង់គ្លេស៖ ការប្រកួតពានរង្វាន់លីគកំពូលរបស់អង់គ្លេស Premier League ក្នុងសប្ដាហ៍ទី៦ កាលពីយប់មិញក្រុមជើងឯករងរដូវកាលចាស់ ហង្សក្រហម Liverpool បានយកឈ្នះតោខៀវ Chelsea ក្នុងលទ្ធផល ២-១ នៅកីឡដ្ឋាន Stamford Bridge។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សការប្រកួតពេញ ៩០នាទីក្រុមទាំងពីរបានសម្រុកគ្នាយ៉ាងជក់ចិត្ត យ៉ាងណាក្រុមភ្ញៀវ Liverpool ជាអ្នកបើកការនាំមុខមុន ២គ្រាប់តាមរយៈគ្រាប់បាល់របស់កីឡាករ Alexander-Arnold នៅនាទី១៤ និងមួយគ្រាប់ទៀតរកបានដោយខ្សែប្រយុទ្ធ Roberto Firmino នៅនាទី៣០។ ខណៈ ១គ្រាប់តាមពីក្រោយរបស់ Chelsea រកបានដោយខ្សែបម្រើជម្រើសជាតិបារាំង N’Golo Kante។
ជ័យជម្នះនេះបានធ្វើឲ្យក្រុមរបស់លោក Klopp ឈរកំពូលតារាងបណ្ដោះអាសន្នគិតត្រឹមសប្ដាហ៍ទី៦នេះ ដោយ ៦ប្រកួតកន្លងមកឈ្នះទាំង ៦និងមាន ១៨ពិន្ទុនៅក្នុងដៃ រីឯ Chelsea វិញឈរលេខ ១១ ៦ប្រកួត ឈ្នះ២ ស្មើ២ និងចាញ់២ មាន ៨ពិន្ទុ៕
សូមទស្សនាវីដេអូ Highlight រវាង Chelsea និង Liverpool នៅខាងក្រោម៖