អង់គ្លេស៖ ក្នុងក្របខណ្ឌ Premier League សប្ដាហ៍ទី៦នេះ ក្រុមញញួរយក្ស West Ham United បានបើកទ្វារកីឡដ្ឋាន London Stadium ស្វាគមន៍ក្រុមភ្ញៀវ Manchester United ដោយលទ្ធផលបញ្ចប់ទៅដោយក្រុម West Ham ទទួលជ័យជម្នះក្នុងលទ្ធផល ២ទល់នឹង០។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្រោយទទួលបាន៣ពិន្ទុកាលពីយប់មិញនេះ West Ham ឡើងមកឈរលេខ៥ ដោយមាន ១១ពិន្ទុក្នុងដៃចាញ់ក្រុមកំពូលតារាង Liverpool ៧ពិន្ទុ។
ការប្រកួតកាលពីយប់មិញនេះគេសង្កេតឃើញថា ក្រុម West Ham លេងបានយ៉ាងល្អដោយស៊ុតចំគោលដៅបាន៦ដង សម្រេចទីបាន២គ្រាប់ខណៈក្រុមភ្ញៀវវិញស៊ុតចំគោលដៅតែ៣ដងប៉ុណ្ណោះ។
គ្រាប់ទី១របស់ West Ham រកបានដោយកីឡាករ Andriy Yarmolenko ដោយការបញ្ជូនបាល់យ៉ាងល្អពីសំណាក់កីឡាករ Felipe Anderson នៅនាទីទី៤៤។ ចំណែកឯគ្រាប់ទី២វិញ រកបានដោយការស៊ុត Free-kick យ៉ាងអស្ចារ្យពីសំណាក់កីឡាករ Aron Cresswell នៅនាទីទី៨៤។
គួររម្លឹកផងដែរថាក្រុម Manchester United ហាក់ចាប់ផ្ដើមមិនសូវបានល្អឡើយក្នុងចំណោម៦ប្រកួតរបស់ខ្លួន ដោយឈ្នះ២ដង ស្មើ២ដងនឹងចាញ់២ដង មាន៨ពិន្ទុក្នុងដៃឈរក្នុងចំណាត់ថ្នាក់លេខ៨៕
បើចង់ឃើញការស៊ុតបញ្ចូលទីអស្ចារ្យយ៉ាងណានោះ សូមទស្សនាវីដេអូខាងក្រោម៖