កូរ៉េខាងត្បូង៖ ពិតជាដំណឹងមួយ ដែលគួរឲ្យសោកសៅខ្លាំងណាស់ តារាចម្រៀងស្រីWoo Hye Mi បានទទួលមរណភាព ទៅទាំងនៅវ័យក្មេង បើគិតមកដល់ត្រឹមពេលនេះWoo Hye Mi ទើបតែមានអាយុ៣១ឆ្នាំតែប៉ុណ្ណោះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្នុងថ្ងៃទី២២ ខែកញ្ញានេះទទួលបាននៅ ការរាយការណ៍ពីអ្នកដែលស្គាល់គ្នា ជាមួយ Woo Hye Mi ទៅកាន់សមត្ថកិច្ចថា ពួកគេមិនអាចធ្វើការ ទាក់ទងទៅនាងបានអស់រយៈពេល ពីរថ្ងៃមកហើយ។ ហើយរឿងដែលគួរឲ្យ សោកស្តាយនោះគឺ នៅពេលប៉ូលីសបានទៅដល់ ផ្ទះរបស់នាងនៅឯម្តុំMapo នៅយប់ថ្ងៃទី២១ ខែកញ្ញានោះគឺតារាចម្រៀងស្រីWoo Hye Mi បានទទួលមរណភាព បាត់ទៅហើយ។ ចំណែកមូលហេតុពិតប្រាកដ នៃការស្លាប់របស់នាងគេនៅ មិនទាន់ត្រូវបាន ដឹងច្បាស់នៅឡើយទេ។
យ៉ាងណាមិញខាង ទីភ្នាក់ងាររបស់នាងនៅក្នុង ផលិតកម្មDowntown E&M បាននិយាយថា៖
រីឯប្រវត្តិនៃភាពល្បីល្បាញរបស់នាង ក្នុងវិស័យសិល្បៈដំបូងគឺWoo Hye Mi ត្រូវបានទស្សនិកជន ទូទៅស្គាល់នាងដំបូង ក្នុងអំឡុងឆ្នាំ ២០១២។ នៅពេលដែលនាង បានបង្ហាញខ្លួន ក្នុងកម្មវិធី “Voice Korea” របស់Mnet ។ ហើយក្នុងពេលនោះ នាងក៏បានឡើង ដល់ចំណាត់ថ្នាក់កំពូលទាំងបួន ក៏ព្រោះតែសមត្ថភាព ក្នុងការប្រើប្រាស់បច្ចេកទេសសំលេង យ៉ាងប៉ិនប្រសប់ រួមទាំងសម្លេងដ៏មានថាមពលរបស់នាងផងដែរ។
គួរបញ្ជាក់ផងដែរថាកម្មវិធី បុណ្យសពរបស់នាងនឹងត្រូវបានធ្វើ ឡើងនៅឯមន្ទីរពេទ្យSeoul Sacred Heart ផងដែរ។ ទោះយ៉ាងណា ក៏សូមចូលរួមរំលែកមរណៈទុក្ខ ដ៏ក្រៀមក្រំបំផុតនេះ ទៅកាន់ក្រុមគ្រួសារក៏ដូចជា អ្នកគាំទ្ររបស់តារាចម្រៀងស្រីWoo Hye Mi ទាំងអស់ផងដែរ៕