ស្អាតណាស់! ហ្វេនរបស់សុខ ស្រីនាងម្នាក់ ដែល​ខំកែសម្ផស្ស តាម​អាយដលខ្លួន ពេលនេះ មុខកាន់តែស្រដៀងគ្នាខ្លាំងហើយ!!

ភ្នំពេញ៖ នៅលើលោកយើងនេះ មិនខ្វះអ្នកដែលចង់បានមុខមាត់ ដូចអាយដលរបស់ខ្លួននោះទេ គ្រាន់តែអ្នកខ្លះ មានចិត្តក្លាហាន ក្នុងការកែសម្ផស្សតាម និងមិនហ៊ានតែប៉ុណ្ណោះ។

ជាក់ស្តែង មាននារីវ័យក្មេងម្នាក់ដែលភាគច្រើន ខ្មែរឡូត ក៏ធ្លាប់ចុះផ្សាយពីអ្នកនាងផងដែរ ដែលសុខចិត្ត លះបង់សម្រស់ធម្មជាតិ កែខៃតាម អាយដលរបស់ខ្លួន គឺអ្នកនាង សុខ​ ស្រីនាង ដែលជាតារាម្នាក់ ដែលអ្នកនាង នីតា ស្រលាញ់ពេញបេះដូង តាំងពីក្មេងមកម្ល៉េះ។

ជាពិសេស បច្ចុប្បន្ន មុខមាត់របស់អ្នកនាង ក៏កាន់តែស្រដៀងគ្នា រឹតតែខ្លាំងផងដែរ ជាមួយនឹងទម្រង់មុខ និងស្ទាយ៍លេងខ្លួនរបស់អ្នកទាំងពីរ ហើយគូបផ្សំ ពួកគេ ឧស្សាហ៍មានឱកាស បានជួបគ្នា ថតរូបជាមួយគ្នាទៀតនោះ ​គឺកាន់តែមើលទៅ ជាមនុស្សតែមួយយ៉ាងដូច្នោះដែរ។

គួរបញ្ជាក់ផងដែរថា អ្នកនាង​នីតា ក៏ធ្លាប់មកធ្វើកិច្ចសម្ភាសន៍ ជាមួយនឹងខ្មែរឡូត រហូតអ្នកនាង អាចជួបអាយដលរបស់ខ្លួនបានសម្រច ក្រោយពីអ្នកនាង សុខ ស្រីនាង បានមើលឃើញ នូវអត្ថបទដែលខ្មែរឡូតបានចុះផ្សាយ ថាអ្នកនាង នីតា ចង់ជួបអាយដលខ្លួន៕