MVថ្មី «ក្រមុំស្រុកស្រែ» ពី ឈួន សុវណ្ណឆៃ បង្ហាញពីទេសភាពស្រុកស្រែ ឃើញហើយនឹកស្រុកតែម្ដង! (មានវីដេអូ)

ភ្នំពេញ៖ អាចនិយាយបានថា មួយរយៈចុងក្រោយតារាចម្រៀងស្រីសាច់ចាំអ្នកនាង ឈួន សុវណ្ណឆៃ មានភាពមមាញឹកខ្លាំងមែនទែន ជាមួយនឹងការចេញថតនូវបទចម្រៀង Original Song ថ្មីរបស់ខ្លួន ដែលតែងតែបង្ហោះនៅលើបណ្ដាញសង្គមធ្វើឲ្យបណ្ដាអ្នកគាំទ្រអន្ទះសារង់ចាំទស្សនាគ្រប់គ្នាតែម្ដង។

ជាក់ស្ដែងកាលពីពេលថ្មីនេះផងដែរ អ្នកនាង ឈួន សុវណ្ណឆៃ ក៏មិនបានទុកយូរដែរ ដោយបានបញ្ចេញ MV ថ្មី ដែលមានចំណងជើងថា «ក្រមុំស្រុកស្រែ» ដោយមានការចូលរួមសម្ដែងពីតារាក្មេងៗក្នុងស្រទាប់មិត្តៗយុវវ័យជាច្រើនរូបថែមទៀតផង ធ្វើឲ្យបទចម្រៀងនេះការតែមានការទាក់ទាញខ្លាំង។

លើសពីនេះទៅទៀតនោះ ក្នុងអត្ថន័យ MV ថ្មី «ក្រមុំស្រុកស្រែ» របស់អ្នកនាង ឈួន សុវណ្ណឆៃ ក៏បានបង្ហាញពីអត្តចរិតក្រមុំជនបទ ទាំងស្អាត ទាំងឧស្សាហ៍ ថែមទាំងចេះជួយការងារឪពុកម្ដាយ  គ្រប់សព្វថែមទៀតផង បូករួមទាំងទេសភាពស្រុកស្រែជាច្រើន ធ្វើឲ្យអ្នកទស្សនាឃើញហើយ នឹកដល់ស្រុកកំណើតរបស់ខ្លួនខ្លាំងមែនទែន។

គួរឲ្យដឹងដែរថា បទចម្រៀងមួយបទនេះទើបតែចេញនៅលើបណ្ដាញសង្គមមិនបានប៉ុន្មានផង គឺទទួលបាននូវការគាំទ្រខ្លាំងមែនទែន ទាំងនៅលើបណ្តាញទំនាក់ទំនងសង្គមហ្វេសប៊ុក និងនៅលើឆានែល YouTube ផងដែរ៕

 តោះកុំឲ្យខាតពេលយូរមកទស្សនារូបភាព​ និងវីដេអូចម្រៀងរបស់អ្នកនាង ឈួន សុវណ្ណឆៃ ទាំងអស់គ្នាដូចខាងក្រោម៖