អង់គ្លេស៖ ក្រោយស៊ុតបញ្ចូលទីក្រុម Real Madrid ១គ្រាប់ថ្មីៗនេះ កីឡាករ Thomas Meunier ទទួលបានការចាប់អារម្មណ៍យ៉ាងខ្លាំងពីសំណាក់ក្លិប Arsenal។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សកីឡាករ Thomas Meunier បានសារភាពថា ខ្លួនពិតជាខកចិត្តចំពោះកង្វះពេលវេលាលេងរបស់ខ្លួនសម្រាប់ក្រុម PSG ចំពេលដែលមានការសង្ស័យថា Arsenal អាចនឹងទាក់ទងខ្សែការពាររូបនេះទៅលេងនៅ Emirates Stadium ។
ខ្សែការពារស្លាបស្ដាំវ័យ ២៨ឆ្នាំរូបនេះ រកបាន១គ្រាប់ដោយយកជ័យជម្នះក្នុងលទ្ធផល ៣-០ ទៅលើ Real Madrid ក្នុងពានរង្វាន់ Champions League កាលពីថ្ងៃពុធ កន្លងទៅនេះ។
ក្រុមកាំភ្លើងធំ Arsenal ឥឡូវនេះកំពុងត្រូវការកីឡាករ១រូប ដើម្បីពង្រឹងតំបន់ការពារបន្ថែម ដោយសម្លឹងឃើញការផ្ទេរយកកីឡាករ Meunier នៅខែមករា ខាងមុខនេះ។
គួរបញ្ជាក់ផងដែរថា កិច្ចសន្យារបស់កីឡាករវ័យ ២៨ឆ្នាំរូបនេះ នឹងផុតកំណត់នៅរដូវក្ដៅខាងមុខនេះ ដូចនេះវាជាសញ្ញាមួយបង្ហាញថា Arsenal មានភាគរយខ្ពស់ក្នុងការចូលចែចូវយកកីឡាកររូបនេះពី PSG នៅខែមករា ខាងមុខនេះ៕