អេស្ប៉ាញ៖ ប្រធានក្លិប Real Madrid លោក Florentino Perez សម្លឹងឃើញអតីតកីឡាករ Real Madrid គឺលោក Xabi Alonso មកជំនួសដំណែងលោក Zidane។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយោងតាមកាសែត Mundo Deportivo បានអោយដឹងថាអតីតតារាឆ្នើមរបស់ក្រុម Real Madrid រូបនេះគឺជាជំរើសដ៏ពេញចិត្តរបស់លោក Perez ដោយសារលោកចូលចិត្តចរិត និងតិចនិកក្នុងការដឹកនាំរបស់គាត់។
ការបរាជ័យ ៣-០ ក្នុងក្របខ័ណ្ឌ Champions League ចំពោះក្រុម PSG បានបង្ហាញពីភាពចុះខ្សោយនៃទម្រង់លេងរបស់ Real Madrid បច្ចុប្បន្ន ដែលជាហេតុធ្វើអោយលោក Perez ចង់ស្វែងរកបេក្ខភាពថ្មីមកជំនួសលោក Zidane។
ឥឡូវនេះលោក Florentino កំពុងធ្វើការសម្រេចចិត្តថាគួរបន្តជាមួយលោក Zidane ដោយផ្តល់ឱកាសអោយគាត់ ឬរកមើលអ្នកផ្សេងទៀតដែលគាត់ទុកចិត្តខ្លាំង។ យោងទៅតាមកាសែត Mundo បានអោយដឹងថា លោក Perez បានប្រាប់សាច់ញាតិម្នាក់របស់គាត់ថាក្លិបបានធ្វើខុសដោយអនុញ្ញាតឱ្យ Xabi Alonso ទៅ Real Sociedad ហើយគាត់គឺជាមនុស្សដែលលោកពេញចិត្ត៕
ប្រភព៖ AS