អតីតតួឯកស្រី Kawinna សម្រេចចិត្តកោរសក់បួសដូនជី សងគុណឪពុកម្ដាយ រយៈពេល៣ខែ

ថៃ៖ កាលពីពេលថ្មីៗនេះ នៅលើបណ្តាញទំនាក់ទំនងសង្គមរបស់ តារាសម្តែងស្រី Kawinna បានផុសរូបភាពជាច្រើនសន្លឹក ដែលបង្ហាញពីការលាចាកផ្លូវមនុស្សលោករបស់នាង ដើម្បីងាកទៅរកផ្លូវព្រះធម៌វិញ ដោយបានកោរសក់បួសជាដូនជី ស្លៀក.ស ពាក់.ស មួយកំប្លេផងដែរ។

ជាក់ស្តែង ពិធីបំបួសខ្លួនធ្វើជាដូនជីរបស់តារាសម្តែងស្រី Kawinna បានប្រព្រឹត្តធ្វើឡើងកាលពីប៉ុន្មានថ្ងៃមុននេះ ហើយសម្រាប់ការបួសនៅពេលនេះ តារាស្រី Kawinna ក៏បានប្រាប់ឲ្យដឹងថារូបនាងបួសដើម្បីជាការសងគុណឳពុកម្ដាយ និងចង់សិក្សាស្វែងយល់ផ្លូវព្រះធម៌ផងដែរ។

គួរឲ្យដឹងផងដែរថា ការបួសរបស់តារាស្រីវ័យ ៤៨ឆ្នាំរូបនេះ នាងសម្រេចចិត្តថានឹងបួសក្នុងសំណាក់ព្រះពុទ្ធសាសនា រយៈពេល៣ខែ ដើម្បីស្វែងរកព្រះធម៌ជាទីពឹង ហើយបើមាននិស្ស័យនឹងបួសឲ្យបានយូរថែមទៀត ដើម្បីជួយមើលថែអ្នកដែលមកបួសជាដូនជីដូចគ្នា៕

សូមទស្សនារូបភាពខាងក្រោម៖