តួកគី៖ បុរសម្នាក់ប្រើហិង្សាទះកំផ្លៀងនារីម្នាក់ ក្រោយពីឃើញនាងស្លៀកខ្លី។ ករណីនេះបានកើតឡើងតាំងពីឆ្នាំ២០១៧មកម៉្លេះ នៅក្នុងទីក្រុង Istanbul ប្រទេសតួកគី។ ប៉ុន្ដែថ្មីៗនេះ ទើបនារីរងគ្រោះសម្រេចចិត្តដាក់ពាក្យបណ្ដឹងទៅវិញ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយោងតាមវីដេអូបានបង្ហាញឲ្យឃើញថា នារីម្នាក់ឈ្មោះ Melisa Saglem អាយុ២១ឆ្នាំ កំពុងអង្គុយអានសៀវភៅនិងស្ដាប់ចម្រៀងនៅលើឡានក្រុង។ នៅពេលដែលឡានក្រុងឈប់នៅចំណត បុរសដែលអង្គុយកៅអីក្រោយនាងបានដើរទៅទះនាងមួយកំផ្លៀង ធ្វើឲ្យនាងភ្ញាក់ព្រើតនិងក្រោកចេញពីកៅអី ព្យាយាមត.ដៃជាមួយបុរសនោះ ប៉ុន្ដែត្រូវបានបុរសនោះចាប់នាងជាប់ រួចរត់ចេញពីលើឡានក្រុងបាត់ទៅ។ បន្ទាប់មក នាង Melisa ក៏បានអង្គុយយំផងដែរ។
នាង Melisa ក៏បានឲ្យដឹងដែរថា នៅថ្ងៃនោះនាងបានស្លៀកខោខ្លីជាមួយនឹងអាវយឺតធម្មតាប៉ុណ្ណោះ។ មុនពេលកើតហេតុ បុរសនោះក៏បាននិយាយទៅកាន់នាងផងដែរថា៖
ប៉ុន្មានថ្ងៃកន្លងមកនេះ ក្រោយពីទទួលបានពាក្យបណ្ដឹង ប៉ូលិសបានចាប់ខ្លួនបុរសនោះនិងត្រូវបានគេស្គាល់ឈ្មោះថា Erkan។ Erkan ក៏បានសារភាពប្រាប់ថា ខ្លួនទះកំផ្លៀងនាងព្រោះតែខឹងខ្លាំងពេក ទប់កំហឹងមិនបាន។ ក្រោយពីការស៊ើបអង្កេតរបស់ប៉ូលិសបានឲ្យដឹងទៀតថា Erkan ធ្លាប់ជាប់ពន្ធនាគារចំនួន៣ឆ្នាំ៤ខែម្ដងរួចមកហើយ ពីបទចាក់សម្លាប់មនុស្សស្រី។
យ៉ាងណាមិញ ជុំវិញករណីទះកំផ្លៀងនេះ Erkan ត្រូវជាប់ពន្ធនាគារចំនួន៥ខែ២៥ថ្ងៃ៕
សូមទស្សនាវីដេអូខាងក្រោម៖