កុំច្រឡំ! លោកយាយ ៨១ឆ្នាំ ហ៊ានតដៃជាមួយចោរស្រីស្ទើរភ្លើង ប្រុងធ្វើស៊ីនៅទូ ATM រត់បះក្រញាំ (មានវីដេអូ)

អង់គ្លេស៖ ស្រ្តីវ័យចំណាស់ជនជាតិអង់គ្លេសម្នាក់ បានធ្វើឲ្យមហាជនជាច្រើនមានការភ្ញាក់ផ្អើលយ៉ាងខ្លាំង ដែលរូបគាត់មានស្មារតីនឹងន អាចតដៃប្រតាយប្រតប់ជាមួយនឹងចោរស្រីស្ទើរភ្លើងម្នាក់ ដែលមានបំណងធ្វើស៊ីគាត់ ខណៈកំពុងតែដកលុយនៅទូ ATM ។

លោកយាយរងគ្រោះខាងលើនេះ ត្រូវបានគេស្គាល់ឈ្មោះថា Doreen Jones មានអាយុ៨១ឆ្នាំ។ នៅក្នុងថ្ងៃកើតហេតុនោះ ​លោកយាយបានទៅដកប្រាក់នៅចំណុចម៉ាស៊ីនដកប្រាក់មួយកន្លែង (ឬ ATM) លើផ្លូវ Blackheath High Street តំបន់ West Midlands ប្រទេសអង់គ្លេស។

ប៉ុន្តែអ្វីដែលធ្វើឲ្យលោកយាយ Jones ភ្ញាក់ផ្អើលនោះ ស្រាប់តែលេចមុខនារីពោះធំជាជនសង្ស័យម្នាក់ បានមកធ្វើសកម្មភាពជាសុំលុយពីគាត់ និងក្រោយមកក៏ស្រាប់តែប្រតាយប្រទង់ស្ទុះចូលយកលុយរបស់លោកយាយ Jones ពីម៉ាស៊ីនដកប្រាក់តែម្តង តែមិនបានសម្រេចនោះឡើយ។ ព្រោះថា លោកយាយ Jones បានតដៃជាមួយនឹងចោរស្រីនោះ ទាំងមិនភ័យតក់ស្លត់ ថ្វីបើគាត់មានវ័យចំណាស់ទៅហើយក្តី។

លោកយាយ Jones បាននិយាយថា ចោរស្រីនោះពិតជាហ៊ានមែន ធ្វើពុតមកសុំលុយគាត់ ពោលគឺដូចជាអ្នកសុំទាន។ ប៉ុន្តែមិនថាយ៉ាងណា គាត់ក៏បានព្យាយាមតតាំងជាមួយនឹងនាង រហូតរត់ចេញទៅឆ្ងាយ បន្ទាប់ពីនាងស្ទុះប៉ុនប៉ងមកយកលុយពីគាត់ផងដែរ។

លោក Jones បាននិយាយទៀតថា៖

គួរឲ្យដឹងផងដែរថា ករណីខាងលើនេះ បានកើតឡើងតាំងតែពីរយៈពេលប៉ុន្មានខែមុនមកម៉្លេះ (២០ ឧសភា) ប៉ុន្តែទើបតែត្រូវបានលោកយាយ Jones លើកយកមកបើកបង្ហាញ។ ព្រោះថា ចាប់តាំងពីកើតមានហេតុការណ៍បែបនេះមកលើគាត់ គាត់ក៏ចេះតែមានបញ្ហាបេះដូង (ឬខ្សោយបេះដូង) ដោយគួបផ្សំនិងវ័យចំណាស់របស់គាត់ផងដែរ។

ប៉ុន្តែបើទោះបីជាយ៉ាងនេះក្តី លោកយាយ Jones ក៏បានប្តេជ្ញាចិត្តថា នឹងរឹងមាំ ធ្វើអ្វីតាមដែលអាចធ្វើបាន រីករាយនឹងជីវិតខ្លួនឯង ដោយមិនឲ្យស្ថានភាពអាក្រក់មួយនេះ មកគ្របដណ្ដប់មកលើលោកយាយបាននោះឡើយ។ ហើយក៏សង្ឃឹមថា គ្រប់គ្នានឹងមានការប្រុងប្រយ័ត្នដូចគ្នា នៅរាល់ពេលទៅដកប្រាក់ចេញពីម៉ាស៊ីនដកប្រាក់។

ជាមួយគ្នានេះ លោកយាយ Jones ក៏ទទួលបានការសរសើរពីមជ្ឈដ្ឋានមួយចំនួនផងដែរ ដែលរូបគាត់មានភាពក្លាហាន អាចតតាំងនឹងបញ្ហាដែលបានកើតឡើងមួយនេះបានផងដែរ៕

តើសម្រាប់ប្រិយមិត្តវិញយល់យ៉ាងណាដែរ?

ទស្សនាវីដេអូខាងក្រោម៖