ដៃគូល្អ! ប្រពន្ធ ឆាយ វីរៈយុទ្ធ ទើបសម្រាលកូន សុខ ពិសី ទៅសួរសុខទុក្ខភ្លាម (មានវីដេអូ)

ភ្នំពេញ៖ ប្រិយមិត្តដែលជាអ្នកគាំទ្រតារាចម្រៀងប្រចាំផលិតកម្មសាន់ដេលោក ឆាយ វីរៈយុទ្ធ ច្បាស់ជាជ្រាបហើយថា ភរិយារបស់តារាចម្រៀងរូបនេះ ទើបតែសម្រាលបានកូនស្រីកាលពីប៉ុន្មានថ្ងៃមុន ដែលមានឈ្មោះថា វីរៈយុទ្ធ អភិជាតាទេវី។

ក្នុងនោះដែរ ស្របពេលគ្រួសាររបស់លោក ឆាយ វីរៈយុទ្ធ ទើបតែទទួលបានសមាជិកថ្មីនេះ គេក៏សង្កេតឃើញថា តារាចម្រៀងរួមទ្រនំ ក៏ដូចជាដៃគូចម្រៀងរបស់លោក កញ្ញា សុខ ពិសី បានទៅលេង និងសួរសុខទុក្ខកូនស្រីរបស់លោកដល់មន្ទីរពេទ្យភ្លាមៗ ដោយរូបនាងបានបង្ហោះវីដេអូប្រមាណជា ២នាទីចូលក្នុងបណ្តាញសង្គម។

យ៉ាងណាក្តី ផ្អែកលើវីដេអូនេះ កញ្ញា សុខ ពិសី បានបង្ហាញក្តីស្រលាញ់យ៉ាងខ្លាំងបំផុតចំពោះកូនរបស់លោកមែនទែន ដែលមើលទៅពិតជាកក់ក្តៅខ្លាំងណាស់។

គួររម្លឹកដែរថា កូនស្រីរបស់លោក ឆាយ វីរៈយុទ្ធ បានកើតនៅថ្ងៃទី១៥ ខែកញ្ញា កន្លងទៅថ្មីៗនេះ ហើយទាំងម្តាយទាំងកូន គឺមានសុខភាពល្អទាំងពីរអ្នកតែម្តង៕

ចង់ជ្រាបច្បាស់ទស្សនាវីដេអូខាងក្រោម៖