អឺរ៉ុប៖ ការប្រកួតបាល់ទាត់ពានរង្វាន់ក្លិបអាជីពលំដាប់ទីពីររបស់ទ្វីបអឺរ៉ុប UEFA Europa League កាលពីយប់មិញ បានបញ្ចប់ទៅទាំង ១២ពូលសម្រាប់ការប្រកួតលើកដំបូងក្នុងវគ្គសន្សំពិន្ទុក្នុងពូល។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សអ្វីដែលគួរឲ្យចាប់អារម្មណ៍សម្រាប់ការប្រកួតកាលពីយប់មិញនោះក្នុងពូល F កាំភ្លើងធំ Arsenal បានទៅលត់ម្ចាស់ផ្ទះ Eintracht Frankfurt ដល់ទៅដីអាល្លឺម៉ង់ក្នុងលទ្ធផល ៣ទល់នឹង០។ ៣គ្រាប់របស់កូនក្រុមលោក Unai Emery រកបានដោយកីឡាករ Joseph Willock, Bukayo Saka និង Pierre-Emerick Aubameyang ក្នុងម្នាក់មួយគ្រាប់។
មិនឲ្យចាញ់ Arsenal ក្លិបអេស្ប៉ាញ Sevilla ដែលស្ថិតនៅពូល A ក៏បានលត់ Qarabag FK មួយចាស់ដៃផងដែរ ពោលគឺក្នុងលទ្ធផល ៣ទល់នឹង០។ ៣គ្រាប់របស់ Sevilla រកបានដោយខ្សែប្រយុទ្ធចំណូលថ្មី Javier Hernandez, El Haddadi និង Oliver Torres ម្នាក់មួយគ្រាប់៕
សូមទស្សនាវីដេអូ Highlight នៅខាងក្រោម៖