រាជធានីភ្នំពេញ ៖ យុវជនម្នាក់បានដើរចេញមកពីកន្លែងផឹកស៊ីទៅបត់ជើងនៅបន្ទប់ទឹកចំណតរថយន្តក្រោយផ្សារសូរិយាត្រូវបានជនជាតិស្បែកខ្មៅស្រវឹងស្រាទះកំផ្លៀងធ្វើឲ្យឈ្លោះប្រកែកគ្នាផ្អើលពេញផ្សារសូរិយាម៉លតែម្តង ហេតុការណ៍នេះបានកើតឡើងកាលពីវេលាម៉ោង2 និង10រំលងអធ្រាត្រឈានចូលថ្ងៃទី19 ខែកញ្ញា ឆ្នាំ2019 តាមបណ្តោយផ្លូវ51នៅចំណុចផ្សារសូរិយាម៉ល ដែលស្ថិតនៅក្នុងសង្កាត់ផ្សារថ្មី3 ខណ្ឌដូនពេញ ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សតាមប្រភពព័ត៌មានពីជនរងគ្រោះមានឈ្មោះ ហុង លី ភេទប្រុស អាយុ21ឆ្នាំ ស្នាក់នៅម្តុំស្ទឹងមានជ័យបានឱ្យដឹងថា មុនពេលកើតហេតុខាងលើនះគឺជនរងគ្រោះបានអង្គុយផឹកស៊ីនៅហាងនៅក្បែរនឹងផ្សារសូរិយាម៉ល លុះពេលដែលកើតហេតុខាងលើនេះជនរងគ្រោះបានទៅបត់ជើងតូចនៅចំណតរថយន្ត ស្រាប់តែមានជនជាតិស្បែកខ្មៅម្នាក់មិនស្គាល់អត្តសញ្ញាណសង្ស័យស្រវឹងស្រាហើយរករឿងគេ និងទះកំផ្លៀងជនរងគ្រោះបណ្តាលឱ្យឈ្លោះប្រកែកគ្នាឡើងផ្អើលពេញក្នុងផ្សារសូរិយាម៉ល ។
ភ្លាមៗនោះដែលសន្តិសុខផ្សារសូរិយាម៉ល និងមិត្តភក្តិជនរងគ្រោះចូលទៅឃាត់តែជនជាតិស្បែកខ្មៅព្រួតវាយបណ្តាលឱ្យបែកចិញ្ចើមម្ខាងផ្នែកខាងស្តាំ ហើយដើរឡើងទៅអង្គុយផឹកបាត់ធ្វើឱ្យជនរងគ្រោះគាត់ខឹងក៏ស្រែកឡូឡាពេញក្នុងផ្សារសូរិយាម៉ល បន្តិចក្រោយមកសមត្ថកិច្ចប៉ុស្តិ៍ផ្សារថ្មី៣មកដល់ធ្វើការឃាត់ខ្លួនយកទៅសួរនាំនៅប៉ុស្តិ៍ ។ ក្រោយពេលកើតហេតុខាងជនរងគ្រោះបានទៅដាក់ពាក្យនៅប៉ុស្តិ៍ផ្សារថ្មី៣ដើម្បីឱ្យសមត្ថកិច្ចចាត់ការទៅតាមនីតិវិធី ៕
ប្រភព៖ កោះសន្តិភាព