កូរ៉េខាងត្បូង៖ កាលពីប៉ុន្មានម៉ោងមុននេះ តារាស្រីសាច់សខ្ចី Sulli បានធ្វើការ Live ផ្ទាល់ នៅលើគណនីអ៊ីនស្តាក្រាមផ្ទាល់ខ្លួនរបស់នាង ដើម្បីជជែកកម្សាន្តលេងជាមួយនឹងអ្នកគាំទ្រ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សដោយឡែក ក្នុងនោះនាងក៏ស្រាប់តែជួបនូវរឿងដ៏គួរឲ្យហួសចិត្តមួយ និងជារឿងអ្នកគាំទ្រគ្រប់គ្នាមិននឹកស្មានដល់ផងដែរ។
ជាការពិតណាស់ ខណៈពេលដែល Sulli កំពុងតែធ្វើការ Live ជាមួយនឹងមិត្តភក្តិរបស់នាងសុខៗ ស្រាប់តែមានបុរសប្លែកមុខម្នាក់ បានដើរចូលមកធ្វើការណែនាំខ្លួនទាំងស្រវឹងដោយបាននិយាយថា៖
«ខ្ញុំគឺជាអ្នកគាំទ្ររបស់កញ្ញា Sulli ប៉ុន្តែខ្ញុំស្រវឹង។»
ក្រោយឃើញ Sulli មិនព្រមធ្វើការឆ្លើយតបជាមួយ ស្រាប់តែបុរសស្រវឹងរូបនេះនិយាយបន្តថា៖
«សូមកុំយល់ច្រឡំអី, ខ្ញុំគោរពSulli ខ្លាំងណាស់»។
បន្ទាប់មកតារាស្រីវ័យ២៥ឆ្នាំរូបនេះ ក៏បានធ្វើការងក់ក្បាលប៉ុន្តែនាងមិនបាននិយាយអ្វីឡើយ។ ក្រោយពីស្ងាត់បានបន្តិច បុរសប្លែកមុខរូបនោះក៏បាននិយាយបន្ថែមថា៖
«តើ Sulli មិនអាចនិយាយអ្វីខ្លះមកកាន់ខ្ញុំទេឬ?»
នៅពេលនោះ ស្រាប់តែតារាចម្រៀងស្រីរូបនេះក៏មានការភ្ញាក់ផ្អើលជាខ្លាំង និងបានថែមទាំងលើកដៃឱបក្បាលជ្រប់នឹងតុ ទាំងភ័យស្លន់ស្លោ ដើម្បីចៀសវាងកាមេរ៉ា ដែលបុរសរូបនោះព្យាយាមចង់ថតរូបរបស់នាង។
ក្រោយឃើញស្ថានការណ៍បែបនេះ មិត្តភក្តិរបស់ Sulli ក៏បានចេញមុខបដិសេធជំនួស Sulli ដោយបាននិយាយថា៖
«នាងបានបដិសេធជាច្រើនដងហើយ មុននេះ»
តួយ៉ាង គ្រាន់តែនាងនិយាយសម្ដីមួយឃ្លានេះ បុរសស្រវឹងរូបនោះ ក៏ព្រមចាកចេញតែម្តង។ យ៉ាងណាមិញ អាចនិយាយបានថា នេះជាជីវិតដែលតារាសិល្បៈល្បីៗជាច្រើនតែងតែជួបប្រទះ ហើយពេលខ្លះ ពួកគេថែមទាំងអាចនឹងមានគ្រោះថ្នាក់ ដោយសារតែមនុស្សទាំងនេះថែមទៀតផងដែរ៕
Bong I.T