អ្នកគាំទ្របារម្ភ ក្រោយឃើញ Jiyeon ក្រុម T-ARA ស្គមជាងមុនខ្លាំង មើលលែងចង់ស្គាល់!

កូរ៉េខាងត្បូង៖ ប្រិយមិត្តដែលជាអ្នកគាំទ្រវិស័យ KPOP ស៊េរីចាស់ ប្រាកដជាស្គាល់តារាចម្រៀងស្រីរូបស្រស់ Jiyeon សមាជិកមួយរូបនៅក្នុងអតីតក្រុមចម្រៀងនារីកូរ៉េ T-ARA ជាក់ជាមិនខាន។

ទោះបីជាក្រុមចម្រៀងនេះ ត្រូវបានរំសាយហើយក៏ពិតមែន ប៉ុន្តែ Jiyeon និងសមាជិកដទៃទៀតរបស់ក្រុមនៅតែមានវត្តមាននៅក្នុងពិភពសិល្បៈ និងនៅតែទទួលបានការគាំទ្រពីបណ្តាហ្វេនៗដូចមុនដដែល។

ជាក់ស្តែងថ្មីៗនេះ Jiyeon បានធ្វើឲ្យអ្នកគាំទ្រមិនតិចនាក់ព្រួយបារម្ភ ពីបញ្ហាសុខភាពរបស់នាងជាខ្លាំង។ ដោយកាលពីថ្ងៃទី១៨ ខែកញ្ញា ម្សិលមិញនេះ Jiyeon បានបង្ហោះរូបប៉ុន្មានសន្លឹកនៅក្នុងគណនីអ៊ីនស្តាក្រាមរបស់នាង។

ជាមួយគ្នានេះ អ្នកគាំទ្រសង្កេតឃើញថា នាងហាក់ដូចជាស្រកគីឡូ និងរូបរាងកាយស្គមស្គាំងជាងមុនខ្លាំង។ សូម្បីតែទម្រង់មុខ ដៃ ជើង របស់នាងក៏ស្គមតូច លែងឃ្យូតៗដូចមុនទៀតហើយ។

ទៀតសោត ក្រោយពីបានឃើញរូបទាំងនោះ អ្នកគាំទ្រនាំគ្នាបញ្ចេញយោបល់ សម្តែងពីក្តីបារម្ភទៅកាន់នាង ផ្សេងៗគ្នាយ៉ាងដូច្នេះថា៖

ចំណែកឯអ្នកផ្សងទៀតនិយាយថា៖

យ៉ាងណាមិញ នេះគ្រាន់តែជាការព្រួយបារម្ភរបស់អ្នកគាំទ្រប៉ុណ្ណោះ មិនអាចសន្និដ្ឋានបានទេថា ព្រោះតែមូលហេតុអ្វីទើបនាងស្គមដល់ថ្នាក់នេះ ដោយសារតែ នាងមានបញ្ហាសុខភាព ឬក៏គ្រាន់តែចង់សម្រកទម្ងន់។ ប៉ុន្តែទោះបីជានាងមានមូលហេតុបែបណាក៏ដោយ អ្នកគាំទ្រគ្រាន់តែចង់ឲ្យនាងឡើងទម្ងន់វិញជាងនេះបន្តិច ទើបមើលទៅឃើញស្អាតដូចមុន៕ 

ចង់ជ្រាបច្បាស់ទស្សនារូបភាពខាងក្រោម៖