អ៊ីតាលី៖ ខ្សែប្រយុទ្ធរបស់តោខៀវ Chelsea កីឡាករ Olivier Giroud ត្រូវបានកំពុងស្ថិតនៅក្នុងការចង់បានរបស់ក្លិបអ៊ីតាលី Inter Milan សម្រាប់នាំចូលក្នុងទីផ្សារដោះដូរកីឡាករខែមករាខាងមុខនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សខ្សែប្រយុទ្ធជម្រើសជាតិបារាំងរូបនេះចូលលេងក្រោមការដឹកនាំរបស់លោក Lampard បានតែ ១ប្រកួតប៉ុណ្ណោះសម្រាប់រដូវកាលនេះ ក្រោយយុវជនកំពុងលេងធ្លោ Tammy Abraham ដណ្ដើមកន្លែងលេងរបស់គេ។ ហើយគេក៏បានសម្ដែងអារម្មណ៍មិនសប្បាយចិត្តក្នុងការអង្គុយកៅអីបម្រុងផងដែរ។
ម្ចាស់ជើងឯក Champions League ឆ្នាំ២០១០ អាចនឹងចំណាយលុយតិចក្នុងការទិញយក Giroud ដោយសារតែកុងត្រារវាងគេ និងក្លិប Chelsea នឹងផុតនៅពេលចប់រដូវកាលនេះ។
គួរឲ្យដឹងដែរថា អ្នកចាត់ការទូទៅ Inter Milan បច្ចុប្បន្នលោក Antonio Conte នេះហើយគឺជាអ្នកទិញ Giroud ពី Arsenal មកកាន់ Chelsea កាលពីខែមករា ឆ្នាំ២០១៨ ដែលពេលនោះលោកនៅដឹកនាំ Chelsea៕
ប្រភព៖ TheSun