អង់គ្លេស៖ ខ្សែបម្រើប្រយុទ្ធវ័យក្មេងកីឡាករ Mason Mount អាចនឹងខកខានក្នុងការបង្ហាញខ្លួនអោយក្រុមតោខៀវ Chelsea ក្នុងជំនួបប៉ះ Liverpool ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្រុមតោខៀវ Chelsea នឹងបើទ្វារកីឡដ្ឋាន Stamford bridge ដើម្បីស្វាគមន៍ក្រុមកំពូលតារាង Liverpool ក្នុងក្របខណ្ឌ Premier League សប្ដាហ៍ទី៥នៅថ្ងៃអាទិត្យនេះ។
វាអាចជាការព្រួយបារម្ភមួយដោយ ខ្សែបម្រើ Mason Mount អាចនឹងខកខានក្នុងការប្រកួតនេះដោយសាររបួសក.ជើង ក្រោយពីប្រកួតប៉ះក្រុម Valencia ក្នុងក្របខណ្ឌ Champions League អំឡុងពេល Chelsea ទទួលបរាជ័យក្រោមថ្វីជើងក្រុម Valencia ១ទល់នឹង០។
ប៉ុន្តែក្រោយពីគ្រូពេទ្យធ្វើការស្កេនរួចមក បានបង្ហាញអោយឃើញថារបួសរបស់គាត់មិនសូវជាធ្ងន់ធ្ងរប៉ុន្មាននោះទេ គ្រាន់តែមានការស្ពឹកស្រពន់ ខាងគ្រូពេទ្យកំពុងតែខិតខំព្យាបាលយ៉ាងខ្លាំងដោយសង្ឃឹមថាកីឡាកររូបនេះនឹងអាចចូលរួមប្រកួតនៅថ្ងៃអាទិត្យនេះ។
គួរបញ្ជាក់ផងដែរថាក្រុមហង្សក្រហម Liverpool កំពុងធ្វើបានយ៉ាងល្អក្នុងរដូវកាលនេះដោយមិនទាន់ស្គាល់ពាក្យថាចាញ់នោះទេក្នុង៥ប្រកួតកន្លងទៅនេះ៕
ប្រភព៖ Mirror