ស្មាតហ្វូនស៊េរីថ្មី vivo NEX 3 Series នឹងផ្តល់បទពិសោធន៍ថ្មីដ៏អស្ចារ្យបំផុត តាមរយៈការប្រើប្រាស់បច្ចេកវិទ្យា 5G!

ភ្នំពេញ៖ នៅថ្ងៃនេះក្រុមហ៊ុន vivo ប្រកាសបង្ហាញនូវស្មាតហ្វូនស៊េរីថ្មី NEX 3 របស់ខ្លួននៅក្នុងព្រឹត្តិការណ៍មួយនៅក្នុងទីក្រុងសៀងហៃ ប្រទេសចិន។ ការប្តេជ្ញាចិត្តរបស់ក្រុមហ៊ុន vivo សម្រាប់បច្ចេកវិទ្យាថ្មីៗនាពេលអនាគតនោះ ស្មាតហ្វូនត្រកូល NEX 3 series នេះនឹងភ្ជាប់ជាមួយនឹងបច្ចេកវិទ្យា 5G និង 4G ដែលនេះគឺជាការបង្ហាញអំពីភាពច្នៃប្រឌិតថ្មី និងការកំណត់សារជាថ្មីឡើងវិញទៅលើស្តង់ដារសម្រាប់ស្មាតហ្វូន Flagships ជាច្រើនរបស់ខ្លួន និងបទពិសោធន៍នៃការប្រើប្រាស់ស្មាតហ្វូនជាមួយនឹងភាពអស្ចារ្យបំផុតថែមទៀតផង។

ជាមួយនឹងការភ្ជាប់បច្ចេកវិទ្យា 5G ឈានមុខគេរបស់ក្រុមហ៊ុន vivo នេះ គំនិតទៅលើការឌីហ្សាញអេក្រង់ ដែលមានភាពច្នៃប្រឌិតខ្ពស់ និងកម្មវិធីឆ្លាតវៃជាច្រើននោះ ស្មាតហ្វូនត្រកូល NEX 3 series ជួយបង្កើនទៅលើបទពិសោធន៍របស់អ្នកប្រើប្រាស់កាន់តែអស្ចារ្យឈានទៅមុខមួយកម្រិតទៀត និងការបន្ថែមនូវភាពឈ្លាសវៃថ្មីសម្រាប់ស្មាតហ្វូនលំដាប់ Flagships នេះ។

លោក Spark Ni អនុប្រធានជាន់ខ្ពស់របស់ក្រុមហ៊ុន vivo បាននិយាយថា៖ 

ផ្អែកទៅលើការកសាងទៅលើភាពជំនាញរបស់ក្រុមហ៊ុនបច្ចេកវិទ្យា vivo សម្រាប់ផ្នែក 5G R&D នេះ ស្មាតហ្វូនស៊េរីថ្មី NEX 3 5G នេះនាំយកនូវសមត្ថភាពជាច្រើន ដែលឈានមុខគេនៅក្នុងការតភ្ជាប់ទៅលើបច្ចេកវិទ្យា 5G និងការធានាទៅលើបទពិសោធន៍នៃការប្រើប្រាស់ទៅលើបណ្តាញ Network នេះ។ វាមានការឌីស្សាញទៅលើអង់តែនថ្មីរបស់ក្រុមហ៊ុន vivo ដែលមានភ្ជាប់ជាមួយនឹងបច្ចេកវិទ្យាថ្មីៗជាច្រើន ដែលធ្វើការអភិវឌ្ឍន៍ដោយ vivo ដូចជា ការឌីស្សាញទៅលើ 5G-6 អង់តែនសម្រាប់ការពង្រឹងទៅលើរលកសញ្ញារបស់វាថែមទៀត។

ជាមួយនឹងការបំពាក់នូវបន្ទះឈីប Snapdragon 855 Plus សម្រាប់ដំណោះស្រាយទៅលើបច្ចេកវិទ្យា 5G ដំបូងបំផុតរបស់ Qualcomm និងម៉េមូរី UFS 3.0 high-speed flash memory នោះ ស្មាតហ្វូនស៊េរីថ្មី NEX 3 5G ផ្តល់អោយនូវសមត្ថភាពក្នុងការគណនាបានលឿន និងល្បឿននៃការដោនឡូតបានលឿនបំផុតដែលមានកម្រិតខ្ពស់ជាង 1Gbps និងស្ថេរភាពទៅលើបណ្តាញ Network ថែមទៀត។

សម្រាប់បច្ចេកវិទ្យា dual WLAN Acceleration technology នៅលើស្មាតហ្វូនស៊េរីថ្មី NEX 3 5G នេះអាចប្រើប្រាស់នូវរលកសញ្ញា Wi-Fi signal networks ចំនួន ២ នៅក្នុងពេលតែមួយ ដើម្បីធ្វើការបង្កើននូវល្បឿនលឿនកាន់តែអស្ចារ្យថែមទៀត។ នៅក្នុងការទ្រទ្រង់ទៅលើការប្រើប្រាស់ជាមួយនឹងបច្ចេកវិទ្យា 5G នេះ vivo ក៏ធ្វើការប្រើប្រាស់នូវថាមពលថ្មធំទំហំដល់ទៅ 4500mAh ដែលមានន័យថា អ្នកអាចប្រើប្រាស់ស្មាតហ្វូននេះបានពេញមួយថ្ងៃ ជាពិសេសជាមួយនឹងបច្ចេកវិទ្យាបញ្ចូលថាមពលថ្មលឿន vivo Super FlashCharge 44W និងបច្ចេកវិទ្យាសន្សំសំចៃថាមពលថ្ម C-DRX power-saving technologies អាចធ្វើការធានាទៅលើការសន្សំសំចៃថាមពលថ្មបានខ្ពស់ថែមទៀត។

សម្រាប់ប្រព័ន្ធ Vapor Chamber Cooling System អាចធ្វើឱ្យម៉ាស៊ីននេះត្រជាក់បានល្អមែនទែនទោះបីជាអ្នកប្រើប្រាស់នូវបច្ចេកវិទ្យា 5G នេះក៏ដោយ។ ស្មាតហ្វូនស៊េរីថ្មី NEX 3 5G នេះមានភ្ជាប់ជាមួយនឹងរ៉េមទំហំ 8GB និង12GB ជាមួយមេម៉ូរី 256GB storage ហើយវាក៏ទ្រទ្រង់ជាមួយនឹងប្រព័ន្ធ NFC ផងដែរ។ ជាមួយនឹងបច្ចេកវិទ្យា 5G ដែលឈានមុខគេនៅលើស្មាតហ្វូន NEX 3 5G នេះគឺជាការអភិវឌ្ឍន៍យ៉ាងយូររបស់ក្រុមហ៊ុន vivo នៅក្នុងបច្ចេកវិទ្យាទំនាក់ទំនងជំនាន់ថ្មីនេះ។ ក្រុមហ៊ុន vivo គឺជាក្រុមហ៊ុននាំមុខគេនៅក្នុងការត្រួសត្រាយទៅលើបច្ចេកវិទ្យា 5G នេះ និងការចូលរួមទៅលើស្តង់ដារ 3GPP 5G ផងដែរ។ ស្មាតហ្វូន NEX 3 5G នឹងក្លាយជាស្មាតហ្វូនមួយនៅក្នុងចំណោមស្មាតហ្វូន 5G ជាច្រើនដែលនឹងធ្វើការផលិតទ្រង់ទ្រាយធំសម្រាប់ការធ្វើពាណិជ្ជកម្មនៅលើទីផ្សារ។

បើនិយាយអំពីផ្នែកខាងក្រោយរបស់ស្មាតហ្វូន NEX 3 5G នេះ គេសង្កតឃើញមានកាមេរ៉ាចំនួន 3 គ្រាប់ដែលហៅថា ជាប្រព័ន្ធកាមេរ៉ា Lunar Ring Camera System ដែលមានកាមេរ៉ាគោលទំហំ 64MP+13MPwide-angle+13MP telescopic ដែលអនុញ្ញាតឱ្យអ្នកអាចធ្វើការផ្តិតរូបភាពបានច្បាស់មិនធម្មតានោះទេ។

បន្ថែមពីនេះទៀតនោះ ក្រុមហ៊ុន vivo ក៏បង្ហាញនូវកាសស្តាប់ Bluetooth earphone ដំបូងបំផុតរបស់ខ្លួនក្នុងព្រឹត្តិការណ៍នេះផងដែរនោះគឺ vivo True Wireless Stereo (TWS) Earphone ដែលមានប្រព័ន្ធសម្លេងឮច្បាស់ជាមួយនឹងបច្ចេកវិទ្យា Qualcomm Bluetooth platform ថែមទៀតផង។

ស្មាតហ្វូនស៊េរីថ្មី NEX 3 series នេះនឹងបង្ហាញខ្លួននៅក្នុងទីផ្សារអាស៊ីប៉ាស៊ីហ្វិក អាស៊ីអាគ្នេយ៍ និងទីផ្សារផ្សេងទៀតនៅក្នុងរយៈពេលប៉ុន្មានខែខាងមុខនេះ៕