លោក Ole Gunnar Solskjaer បង្ហាញពីកីឡាករ ៣រូបដែលនឹងជាប់ជម្រើស១១នាក់ដំបូងពេលប៉ះក្រុម Astana ក្នុងព្រឹត្តិការណ៍ Europa League

អង់គ្លេស៖ លោក Ole Gunnar Solskjaer បានបង្ហាញឈ្មោះកីឡាករ៣រូប របស់ Man Utd ដែលនឹងជាប់ជម្រើសដំបូងក្នុងប្រកួតជាមួយក្រុម Astana នៅថ្ងៃព្រហស្បតិ៍នេះ។

អ្នកចាំទី Sergio Romero, ខ្សែការពារ Axel Tuanzebe និងខ្សែប្រយុទ្ធវ័យក្មេង Mason Greenwood នឹងចាប់ផ្ដើមជាជម្រើស១១នាក់ដំបូងរបស់លោក Ole Gunnar Solskjaer ក្នុងការប្រកួតទល់នឹងក្រុម Astana។

ក្រុមបិសាចក្រហម Manchester United នឹងចាប់ផ្តើមការប្រកួតរបស់ខ្លួនក្នុងក្របខណ្ឌ Europa League នៅថ្ងៃព្រហស្បតិ៍នេះ ដែល Manchester United ស្ថិតក្នុងពូល L រួមមានក្រុម AZ Alkmaar, FC Astana និង Patizan Belgrade៕

ប្រភព៖ Mirror