បរទេស៖ ដូចដែលអ្នកស្រឡាញ់ និងចូលចិត្តបាល់ទាត់ភាគច្រើនបានដឹង កីឡាករ Cristiano Ronaldo បានផ្លាស់ពី Sporting Lisbon មកចូលរួមជាមួយ Manchester United ក្នុងឆ្នាំ២០០៣ ប៉ុន្តែនៅមានរឿងរ៉ាវជាច្រើនទៀតជុំវិញបញ្ហានេះដែលអ្នកទាំងអស់គ្នាមិនធ្លាប់បានដឹង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
នៅក្នុងកិច្ចសម្ភាសន៍មួយជាមួយទូរទស្សន៍ ITV ខ្សែប្រយុទ្ធដែលកំពុងលេងឲ្យ Juventus នាពេលបច្ចុប្បន្ន Ronaldo បានទម្លាយឲ្យដឹងថាគេស្ទើរតែផ្លាស់មក Arsenal ទៅហើយមុនពេលចូលរួមជាមួយ Manchester United ហើយថែមទាំងបាននិយាយគ្នាជាមួយលោក Arsene Wenger ដែលជាអ្នកចាត់ការទូទៅរបស់ Arsenal នាពេលនោះថែមទៀត។
“វាគឺជាការពិត។ ខ្ញុំស្ទើរតែចូលរួមជាមួយពួកគេ (Arsenal) ពួកគេគឺជាក្លិបមួយដែលគួរឲ្យចាប់អារម្មណ៍។ វាមិនបានកើតឡើងនោះទេ ប៉ុន្តែខ្ញុំពេញចិត្តនូវអ្វីដែលពួកគេបានធ្វើមកលើខ្ញុំ ជាពិសេសគឺ Arsene Wenger។” ការលើកឡើងរបស់ Ronaldo។
Ronaldo បានបន្តថា៖
“នៅក្នុងបាល់ទាត់ គ្មាននរណាដឹងមុនថាអ្នកនឹងទៅលេងនៅទីណានោះទេ។ ជីវិតគឺបែបនេះ។”
ប្រភព៖ FoxSportsAsia
Bong I.T