កូរ៉េខាងត្បូង៖ សាក់គឺជាសិល្បៈលំអរខ្លួន មួយប្រភេទដែលមាន ការពេញនិយមយ៉ាងខ្លាំង នាពេលបច្ចុប្បន្ននេះ សម្រាប់ជាតិសាសន៍ ស្ទើរតែគ្រប់តែទូទាំងសាកលលោក មិនថាប្រុសឬស្រីនោះទេ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាក់ស្តែងគេសង្កេតឃើញថា ភាគច្រើនការចាក់សាក់របស់ មនុស្សម្នាក់ៗតែងតែមាន កំណត់នៅនិយមន័យ ក៏ដូចជាការចងចាំ សំខាន់អ្វីមួយសម្រាប់ ពួកគេរៀងៗខ្លួន។ មិនខុសគ្នានោះទេ សូម្បីតែតារាចម្រៀងក្នុងក្រុម ដ៏ល្បីរបស់កូរ៉េខាងត្បូងChanyeol សមាជិកក្រុមចម្រៀងបុរសEXO ក៏បានចាក់សាក់លើដងខ្លួន ជាមួយនឹងរូបដែលបង្កប់ទៅដោយ អត្ថន័យយ៉ាងជ្រៀលជ្រៅជាច្រើន ដែលអ្នកគាំទ្រភាគច្រើន ប្រហែលជាមិនទាន់បានដឹង នៅឡើយនោះទេ។
ភាគច្រើនអត្ថន័យនៃ រូបសាក់នីមួយៗរបស់ សមាជិកក្រុមEXO រូបនេះ សុទ្ធសឹងតែមានផ្សារភ្ជាប់ទៅ នឹងអត្តសញ្ញាណ រួមទាំងការចង់ចាំដែលសំខាន់ៗ សម្រាប់រូបគេ។ ខាងក្រោមនេះគឺជា រូបដែលChanyeol បានសាក់រួមជាមួយនឹង អត្ថន័យនីមួយៗ របស់វាផងដែរ៕
សូមទៅទស្សនារូបភាពដូចខាងក្រោមទាំងអស់គ្នា៖
១. រូបហ្គីតា
Chanyeol បានចាក់សាក់រូបហ្គីតានេះ នៅដៃខាងស្តាំរបស់គេ។ នេះគឺតំណាងនៃ ការស្រលាញ់ក៏ដូចជា មហិចតារបស់គេទៅលើចម្រៀង ហើយរូបគេក៏បានវិវត្តន៍ខ្លួន រហូតក្លាយជាតារាK-pop ដ៏ល្បីមួយរូប នាពេលបច្ចុប្បន្ននេះផងដែរ។
២. ពាក្យ “YEOL”
ពាក្យនេះChanyeol បានសាក់វានៅលើ ចង្អុលដៃកណ្តាល នៃដៃខាងឆ្វេងរបស់គេ។ ច្បាស់ណាស់ពាក្យYeol គឺជាពាក្យមួយផ្នែក នៃឈ្មោះរបស់ដែល មកពីពាក្យថា "Alchan Yeolmae" ដែលមានន័យថា "Good Fruit"។ ស្នាមសាក់នេះគឺជា ការរំលឹកដល់Chanyeol ថាតើរូបគេជាអ្នកណា ហើយតើរូបគេព្យាយាម ចង់ក្លាយទៅជាអ្វី?
៣. រូបស្វា
Chanyeol បានសាក់រូបសត្វស្វា នៅលើដៃខាងស្តាំរបស់ខ្លួន។ ដែលការសាក់នេះវាគឺជា ការតំណាងឲ្យឆ្នាំដែល តារាប្រុសរូបនេះបានកើត។
៤. រូបសញ្ញាព្រួញ
រូបព្រួញគឺជាស្នាមសាក់មួយ ដែលផ្សារភ្ជាប់ទៅនឹង ថ្ងៃកំណើតរបស់គេ។ Chanyeol មានថ្ងៃកំណើតនៅថ្ងៃទី២៧ ខែវិច្ឆិកា ដែលត្រូវនឹងតារានិករSagittarians ដែលមានមាននិមិត្តសញ្ញា ជាព្រួញផងដែរ។
៥. L-១៤៨៥
និមិត្តសញ្ញានៃពាក្យL-១៤៨៥ គឺជាស្នាមសាក់មួយ ដែលពោរពេញទៅដោយ អត្ថន័យ យ៉ាងខ្លាំងមិនមែនតែសម្រាប់Chanyeol ម្នាក់នោះទេ តែគឺសម្រាប់អ្នកគាំទ្រ របស់ក្រុមEXO ទាំងអស់ផងដែរ។ ជាក់ស្តែងអក្សរ«L» គឺតំណាងឲ្យពាក្យថាEXO-Ls គឺជាឈ្មោះសម្រាប់ហៅ អ្នកគាំទ្រក្រុមEXO ទាំងអស់។ ហើយលេខ«១៤៨៥» គឺបានមកពីការរួមបញ្ជូលគ្នា រវាងថ្ងៃខែឆ្នាំនៃការបង្កើតក្លឹប អ្នកគាំទ្ររបស់ក្រុមចម្រៀងបុរសEXO ដំបូងគឺនៅថ្ងៃទី៥ ខែសីហា ឆ្នាំ២០១៤ ផងដែរ។