អឺរ៉ុប៖ ការប្រកួតពានរង្វាន់ UEFA Champions League វគ្គសន្សំក្នុងពូលសប្ដាហ៍ទី១ បានបញ្ចប់ទៅរួចរាល់កាលពីយប់មិញនេះ ក្នុងនោះមានក្រុមខ្លះឈ្នះ ក្រុមខ្លះស្មើ និងក្រុមខ្លះទៀតចាញ់។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយើងមកចាប់អារម្មណ៍ក្នុងពូល C គឺមេឃខៀវ Manchester City បានលត់ម្ចាស់ផ្ទះ Shakhtar Donetsk ក្នុងលទ្ធផល ៣ទល់និង០ ដោយ ៣គ្រាប់នោះរកបានដោយ Mahrez, Guendogan និង Gabriel Jesus ម្នាក់មួយគ្រាប់។ ខណៈមួយគូទៀតក្នុងពូល C ដែរនោះគឺ Dinamo Zagreb បានយកឈ្នះក្លិបមកពីអ៊ីតាលី Atalanta ដោយលទ្ធផល ៤ទល់នឹង០។
ក្រឡេកមកមើលក្នុងពូល D ឯណេះវិញក៏កក្រើកមិនធម្មតាដែរកាលពីយប់មិញ ដោយ Atletico Madrid និង Juventus បានប្រកួតស្មើគ្នាក្នុងលទ្ធផល ២-២។ Juventus ជាអ្នកនាំមុខ ២គ្រាប់មុនតាមរយៈគ្រាប់បាល់របស់កីឡាករ Juan Cuadrado និង Blaise Matuidi ប៉ុន្តែត្រូវ At.Madrid វាយបកតាមស្មើវិញដោយបាល់ទែតទាំង ២គ្រាប់របស់កីឡាករ Stefan Savic និង Hector Herrera។ រីឯមួយគូទៀតក្នុងពូល D គឺ Bayer Leverkusen បានភ្លាត់ស្នៀតចាញ់ក្រុមភ្ញៀវមកពីរុស្ស៊ី Lokomotiv Moscow ដោយលទ្ធផល ១-២៕
សូមទស្សនាវីដេអូ Highlight នៅខាងក្រោម៖