ចូលរួមអបអរ! ទ្រី តារាវុធ ឈ្នះពានញញឹមស្រស់ ពីកម្មវិធី Man of the year នៅលើទឹកដីមីយ៉ាន់ម៉ា!

មីយ៉ាន់ម៉ា៖ តារាសម្តែងប្រុស និងម៉ូដែលរូបរាងមុខមាត់ស្រស់សង្ហា លោកទ្រី តារាវុធ កំពុងតែខិតខំប្រឹងប្រែងយ៉ាងអស់ពីសមត្ថភាព នៅក្នុងការប្រកួតនៅលើទឹកដីប្រទេសមីយ៉ាន់ម៉ា ក្នុងកម្មវិធី Man Of the Year 2019។

ខណៈពេលដែលកម្មវិធីកំពុងតែប្រព្រឹត្តទៅ យ៉ាងពោរពេញដោយការខិតខំប្រឹងប្រែងនោះ ឃើញថាតារាប្រុសរូបនេះក៏បានធ្វើឲ្យប្រទេសកម្ពុជាលើកមុខមាត់ ក្រោយលោកបានឈ្នះពានរង្វាន់មួយ កាលពីយប់មិញនេះធ្វើឲ្យអ្នកគាំទ្រជាច្រើនរំភើប នៅក្នុងចិត្តយ៉ាងខ្លាំង។

ដោយក្នុងនោះលោកបានឈ្នះពានរង្វាន់ អ្នកដែលមានស្នាមញញឹមស្រស់ស្អាតជាងគេ នៅក្នុងកម្មវិធីការប្រកួតសម្រស់បុរសនេះ ខណៈពេលដែលពាននេះពិតជាសាកសមសម្រាប់លោក ព្រោះរូបសម្រស់​ក៏ដូចជាស្នាមញញឹមពិតជាសង្ហា និងលេចធ្លោពិតមែន។

ដំណឹងមួយនេះបានធ្វើឲ្យអ្នកគាំទ្រជាច្រើនរំភើប នៅក្នុងចិត្ត និងបាននាំគ្នាចូលរួមអបអរដល់លោកគ្រប់គ្នាតែម្តង ដែលបានទទួលពានរង្វាន់មួយនេះនៅក្នុងកម្មវិធីដ៏ធំ៕

សូមទស្សនារូបភាពខាងក្រោមនេះ៖