ទោះជាសុខ សីឡាលីន មិនសូវថតរូបមានស្នាមញញឹម ក៏នៅតែមើលទៅលេចធ្លោដែរ

ភ្នំពេញ៖ កញ្ញា សុខ សីឡាលីន ត្រូវបានប្រិយមិត្តរាល់គ្នា បានស្គាល់ថា ជាតារាចម្រៀងដ៏ល្បីមួយរូបប្រចាំផលិតកម្មហង្សមាស ដែលប្រកដដោយទឹកដម សម្លេងពីរោះរណ្ដំ និងអាចបកស្រាយបទចម្រៀងបរទេស បានយ៉ាងល្អទៀតផង។

មួយរយៈចុងក្រោយនេះ សុខ សីឡាលីន ហាក់ដូចជាមានការឡើងកូដ រឹតតែខ្លាំងឡើង ក្រោយពីទទួលបានតំណែងធ្វើជា គណៈកម្មការនៅក្នុងកម្មវិធី លំដាប់ថ្នាក់ពិភពលោក X Factor ដែលធ្វើឲ្យទស្សនិកជន មានការចាប់អារម្មណ៍ខ្លាំងឡើងតែម្ដង។

ទន្ទឹមនឹងនេះដែរ ស្របពេលដែលហាងឆេងឡើងខ្ពស់ គេឃើញថា តារាស្រីរូបនេះ ក៏មានរូបសម្ផស្សស្រស់ស្អាត ទៅតាមនឹងដែរ ថែមទាំងមានស្ទាយ៍លេងខ្លួន បានលេចធ្លោក្រៃលែង។ ប៉ុន្តែ យ៉ាងណាមិញ បើក្រលេកមើលស្ទីលថតរូបរបស់ សុខ សីឡាលីន គឺមានភាពខុសប្លែកពីតារាផ្សេងៗ ដោយនាងកម្រនឹង បង្ហាញស្នាមញញឹមណាស់។

ភាគច្រើន រាល់រូបថតរបស់ តារាស្រីសម្បុរស្រអែមរូបនេះ បានបង្ហោះក្នុងគណនីហ្វេសប៊ុក នាងនិយមការថតបែបទឹកមុខស្ងួតៗ បង្ហាញភាពស៊ិចស៊ី ប៉ុន្តែ នាងនៅតែ ត្រូវបានហ្វេនៗសរសើរមិនដាច់ពីមាត់នោះទេ៕

ចង់ជ្រាបច្បាស់ ទស្សនារូបភាពខាងក្រោម៖