អង់គ្លេស៖ កីឡាករចំណូលថ្មីរបស់ Manchester United កីឡាករ Daniel James បានសារភាពថាគាត់ស្ទើរតែឈប់លេងបាល់ទាត់ទៅហើយនៅពេលគាត់មានអាយុ ១២ឆ្នាំ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សខ្សែបម្រើស្លាបវ័យ២០ឆ្នាំរបស់ក្រុម Man Utd រូបនេះបានមកចូលរួមជាមួយក្រុមបិសាចក្រហម Manchester United ក្នុងតម្លៃខ្លួន ១៥ លានផោន ផ្ទេរពីក្លិប Swansea កាលពីរដូវក្តៅនេះ។
ទម្រង់លេងរបស់កីឡាករវ័យក្មេងរូបនេះពិតជាធ្វើអោយអ្នកគាំទ្រ Manchester United ជាច្រើនពេញចិត្តនឹងចាប់អារម្មណ៍ទៅលើរូបគេដោយបានរកគ្រាប់បាល់អោយ Man Utd បាន៣គ្រាប់ក្នុងចំណោម៥ប្រកួតនៅរដូវកាលថ្មីនេះ។
James បាននិយាយប្រាប់កម្មវិធី Inside United ថា៖
"នៅពេលដែលខ្ញុំចាប់ផ្ដើមដំបូង កាលពីខ្ញុំមានអាយុជិត១២ឆ្នាំ ខ្ញុំស្ទើរតែបោះបង់ចោលបាល់ទាត់ទៅហើយ។ ខ្ញុំមិនរីករាយនឹងវាសោះ។"
James បានបន្តទៀតថា៖
"ខ្ញុំត្រូវហ្វឹកហាត់រហូតជិតយប់។ ពេលដែលខ្ញុំត្រឡប់មកពីសាលារៀនវិញ ខ្ញុំចង់ចេញក្រៅជាមួយមិត្តភក្ដិរបស់ខ្ញុំ ប៉ុន្តែខ្ញុំមិនអាចដោយសារត្រូវហ្វឹកហាត់។ខ្ញុំមានការប្រជុំដ៏មានសារៈសំខាន់មួយជាមួយគ្រូបង្វឹកនៅ Hull ដោយលោកគ្រូបង្វឹកបាននិយាយថា ទេ, គាត់មិនអោយខ្ញុំឈប់នោះទេព្រោះគាត់គិតថាខ្ញុំមានសមត្ថភាព និងចង់អោយខ្ញុំបន្តហ្វឹកហាត់នៅទីនេះ។ អរគុណដែលពេលនោះ ខ្ញុំបន្តតាមគាត់។"
James អាចនឹងមានអនាគតភ្លឺស្វាងនៅ United ដោយលោក Ole មានជំនឿលើរូបគេដោយដាក់រូបគេលេងក្នុងជម្រើសដំបូងប៉ុន្មានប្រកួតចុងក្រោយនេះ៕
ប្រភព៖ Mirror
Bong I.T