ភ្នំពេញ៖ មុនប៉ះគ្នានៅថ្ងៃស្អែក ក្នុងវគ្គពាក់កណ្ដាលផ្ដាច់ព្រ័ត្រពានរង្វាន់សម្ដេចអគ្គមហាសេនបតីតេជោ ហ៊ុន សែន ថ្នាក់ជាតិ ២០១៩ គ្រូបង្វឹករបស់ព្រះខ័នស្វាយរៀង និងភ្នំពេញក្រោន សុទ្ធតែបង្ហាញពីសុទិដ្ឋនិយមថានឹងយកជ័យជម្នះឡើងទៅកាន់វគ្គផ្ដាច់ព្រ័ត្រដូចៗគ្នា។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយ៉ាងណា ថ្លែងនៅក្នុងសន្នីសីទកាសែតមុនការប្រកួតលោក Conor Nestor គ្រូបង្វឹករបស់ក្លិបព្រះខ័នរាជស្វាយរៀង បានបង្ហាញការបារម្មណ៍របស់លោកជុំវិញបញ្ហារបួសកីឡាករសំខាន់ៗដូចជា ប្រាក់ មុន្នីឧត្តម, សឿយ វិសាល, គន្ធា រ៉ាវាន់ ខណៈ សំអឿន ពិដោរ ទើបតែជាសះស្បើយពីរបួស មិនទាន់ប្រាកដថានឹងអាចចូលលេងបាន។
ជាមួយគ្នានេះ លោក ស៊ុំ វណ្ណា ដែលជាគ្រូបង្វឹករបស់ភ្នំពេញក្រោន បានលើកឡើថាការនិយាយដូច្នេះរបស់គ្រូស្វាយរៀងគ្រាន់តែជាកលល្បិចចិត្តសាស្រ្តក្នុងបាល់ទាត់ប៉ុណ្ណោះ ខណៈក្រុមរបស់លោកក៏មានកីឡាកររបួសដូចគ្នា។
គួរឲ្យដឹងដែរថា ព្រះខ័នរាជស្វាយរៀង និងត្រូវជួបភ្នំពេញក្រោន នៅថ្ងៃទី១៩ ខែកញ្ញា ស្អែកនេះវេលាម៉ោង ៦:០០នាទីល្ងាច ខណៈមួយគូទៀតរវាង បឹងកេត និង វិសាខា និងត្រូវប៉ះគ្នាល្ងាចនេះវេលាម៉ោង ៦:០០ នៅពហុកីឡដ្ឋានជាតិ៕