ឈុតថ្លៃប៉ុណ្ណាក៏ហ្វេនទិញពាក់ដែរ ព្រោះឃើញ V ពាក់! ទីបំផុតដាច់ស្ដុកគ្មានសល់

កូរ៉េខាងត្បូង ៖ ជាថ្មីម្ដងទៀតហើយដែល V សមាជិកក្រុមចម្រៀង BTS បានធ្វើឲ្យផលិតផលដែលលោកប្រើប្រាស់ ក្លាយជាផលិតផលដែលលក់ដាច់បំផុត។

គួរបញ្ជាក់ផងដែរថា កាលពីថ្ងៃទី១២ ខែកញ្ញា ទូរទស្សន៍ VisitSeoul ទើបតែបានបញ្ចេញខ្សែវីដេអូជាច្រើន ដែលបង្ហាញពីកន្លែងទេសចរណ៍ប្លែកៗ នៅលើទឹកដីទីក្រុងសេអ៊ូល។

ហើយក្នុងនោះក៏មានសមាជិកក្រុម BTS បង្ហាញខ្លួន នៅក្នុងខ្សែវីដេអូជាមួយគ្នាផងដែរ។

ដោយសារតែក្នុងវីដេអូ បានបង្ហាញយ៉ាងច្បាស់ថា V កំពុងពាក់អាវក្រៅដ៏ស្រស់ស្អាតមួយ ដែលមានតម្លៃដល់ទៅជាង ១០០០ដុល្លារ ធ្វើឲ្យហ្វេនៗនៅមិនស្ងៀម ដល់ថ្នាក់ទៅទិញកម្ម៉ង់ពាក់ដែរ។

ក្រោយមកមិនយូរប៉ុន្មាន អាវនេះក៏ដាច់ស្តុកអស់គ្មានសល់។ ចំណែកម៉ាកផ្សេងទៀត ដែលមានពណ៌ និងរូបរាងដូចគ្នានឹងអាវរបស់ V ពេលនេះក៏ត្រូវបានគេលក់ក្នុងតម្លៃថ្លៃជាងមុន ហើយអាចទិញបានតែមួយប៉ុណ្ណោះ ក្នុងមួយទំហំ៕

ទស្សនារូបភាពខាងក្រោម ៖