តាំងពីមានសង្សារស្រីមក Miley Cyrus ប្រែប្រួល១៨០ដឺក្រេ មកជាមានសាច់ដុំទៅវិញ!

បរទេស៖ ប្រិយមិត្តប្រាកដជាជ្រាបមកហើយ ថាមួយរយៈចុងក្រោយនេះ បន្ទាប់ពី តារាចម្រៀងស្រីមានប្រជាប្រិយភាព Miley Cyrus បានសម្រេចចិត្តផ្តាច់ពាក្យជាមួយនឹង គូដណ្តឹងទីស្រលាញ់ដែលជាតារាសម្តែងប្រុសរូបសង្ហាលោក Liam Hemsworth មក នាងក៏បានបន្តបង្កាត់ចំណងស្នេហាជាថ្មីជាមួយនឹង តារាសម្តែងស្រីមួយរូបទៀតគឺនាង Kaitlynn Carter។

មិនតែប៉ុណ្ណោះ ថ្មីៗនេះគេតែងសង្កេតឃើញថា Miley Cyrus ជាមួយនឹងមិត្តស្រីថ្មីរបស់នាង តែងតែបណ្តើរដើរលេងកម្សាន្តជាសាធារណៈយ៉ាងសប្បាយរីករាយ និងពោរពេញទៅដោយស្នាមញញឹមយ៉ាងមានសេចក្តីសុខផងដែរ។

ដោយឡែក អ្វីដែលធ្វើឲ្យអ្នកគាំទ្រកាន់តែកត់សម្គាល់ជាងនេះទៅទៀតនោះ គឺការប្រែប្រួលការតុបតែងខ្លួន ក៏ដូចជារូបរាងរបស់ Miley តែម្តង ពោលបើប្រៀបធៀបកាលពីនាងនៅទាក់ទងជាមួយនឹងអតីតគូដណ្តឹងលោក Liam Hemsworth និងបច្ចុប្បន្ននេះ គឺMiley មានការប្រែប្រួលខ្លាំង ១៨០ដឺក្រេតែម្តង។

តួយ៉ាង យោងតាមរយៈការបង្ហោះរូបថតមិនប៉ុន្មានសន្លឹក របស់តារាចម្រៀងស្រីវ័យ២៦ឆ្នាំនេះ បានឲ្យឃើញថា Miley បានស្លៀកពាក់ក៏ដូចជាបញ្ចេញកាយវិការ ដូចជាកីឡាករប្រដាល់ ដែលបានបង្ហាញឲ្យឃើញពីសាច់ដុំរបស់នាង និងមើលទៅមានភាពរឹងមាំនិងមានភាពស្វាហាប់មែនទែនតែម្តង។

លើសពីនេះទៅទៀត ក្រោយពីឃើញបែបនេះ Miley ក៏ទទួលបានមតិវិជ្ជមានក៏ដូចជាការចុចLike យ៉ាងច្រើនពីសំណាក់អ្នកគាំទ្ររបស់នាងផងដែរ៕