មួយគូទៀតហើយ! Peck Ratthapoom និង Nattasha នឹងរៀបការប៉ុន្មានថ្ងៃខាងមុខ ក្រោយទាក់ទងគ្នាបាន៤ខែ

ថៃ៖ បន្ទាប់ពី តារាសម្ដែងប្រុសរូបសង្ហា លោក Peck Ratthapoom បានលុតជង្គង់សុំរៀបការយ៉ាងរ៉ូមែនទិករួចមក សង្កេតឃើញថាតារាសម្តែងស្រីមុខស្រទន់ កញ្ញា Nattahsa ហាក់ដូចជាស្រស់ស្រាយ និងមានសុភមង្គលខ្លាំងណាស់។

លើសពីនេះបន្ទាប់ពីថ្ងៃដ៏ពិសេសនោះ តារាសម្ដែងស្រី កញ្ញា Nattasha និង លោក Peck Ratthapoom ព្រមទាំងគ្រួសារទាំងសងខាង ក៏កំពុងតែមានភាពមមាញឹកយ៉ាងខ្លាំង ក្នុងការរៀបចំគម្រោងពិធីរៀបការរបស់ខ្លួន ដែលធ្វើឡើងមិនប៉ុន្មានថ្ងៃខាងមុខនេះ ពោលគឺថ្ងៃទី២២ ខែកញ្ញា ឆ្នាំ២០១៩នេះ ដោយពិធីមួយនេះនឹងរៀបចំបែបបរទេស មិនរៀបចំជាពិធីប្រពៃណីថៃនោះឡើយ។

ដោយឡែក ក្រោយពីបានដឹងថា កញ្ញា Nattasha និងលោក Peck Ratthapoom នឹងរៀបការនៅពាក់កណ្ដាលខែកញ្ញានេះភ្លាម ហ្វេនៗនាំគ្នាសន្និដ្ឋានទុកជាមុនហើយថា ពិធីរៀបការនោះប្រាកដជាភាពអធិកអធម ព្រោះគ្រួសារទាំងសងខាង សុទ្ធតែជាអ្នកដែលមានមុខមាត់នៅក្នុងសង្គម៕​