កូរ៉េខាងត្បូង៖ Army គ្រប់គ្នាប្រាកដជា រំភើបខ្លាំងណាស់ហើយ ពីព្រោះក្នុងពេលថ្មីៗនេះ ខាងផលិតកម្មBig Hit បានប្រកាសថា ការឈប់សម្រាករបស់សមាជិកក្រុមBTS ត្រូវបានបញ្ចប់ ហើយពួកគេក៏នឹងត្រៀមវិលមកជួប អ្នកគាំទ្រវិញក្នុងពេលឆាប់ៗ ខាងមុខនេះផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយ៉ាងណាម៉ិញ ក្នុងព្រឹកថ្ងៃទី១៦ ខែកញ្ញានេះ គេឃើញថាសមាជិកទាំងអស់ របស់ក្រុមBTS បានបង្ហាញខ្លួននៅ ក្នុងប្រលានយន្តហោះអន្តរជាតិIncheon បន្ទាប់ពីវិលត្រឡប់មកពីវិស្សមកាល រៀងៗខ្លួនរបស់ពួកគេដែល ចាប់ផ្តើមតាំងពីថ្ងៃទី១២ ខែសីហាមកម្ល៉េះ។ ហើយបើយោងតាមNewsen បានឲ្យដឹងថា សមាជិកទាំងអស់របស់BTS បានចាកចេញពីប្រទេសកូរ៉េហើយ ដើម្បីត្រៀមទៅថតreality show របស់ពួកគេនៅឯខាងក្រៅប្រទេសផងដែរ។
គួរបញ្ជាក់ទៀតថា សម្រាប់កាលវិភាគ បន្ទាប់របស់BTS គឺពួកគេនឹងបន្តការប្រគំតន្ត្រីទេសចរណ៍ ពិភពលោករបស់ពួកគេ ដែលមានឈ្មោះថា“Love Yourself: Speak Yourself” ដែលនឹងត្រៀមរៀបចំឡើង នៅក្នុងប្រទេសSaudi Arabia នៅក្នុងថ្ងៃទី១១ ខែតុលា។ បន្ទាប់មកពួកគេ នឹងវិលត្រឡប់មកកាន់ ប្រទេសកូរ៉េវិញដើម្បីចូលរួម កម្មវិធីនៅទីក្រុងសេអ៊ូលក្នុងថ្ងៃទី២៦ ២៧ និង២៩ ខែតុលានេះបន្តទៀតផងដែរ៕
Bong I.T