ថៃ៖ ពេលថ្មីៗនេះមានតារាស្រីទាំងប៉ុន្មានដួង ដែលអ្នកគាំទ្រកំពុងតែមានការចាប់អារម្មណ៍ខ្លាំង ទៅលើពួកគេ។ លើសពីនេះទៅទៀតអ្នកគាំទ្រថែមទាំងរំពឹងទុកថា ទៅថ្ងៃមុខអាចនឹងមានឱកាសគ្រងតំណែងតារាស្រីលេចធ្លោទៀតផង បើយោងតាមទេពកោសល្យក្នុងការសម្តែង និងរូបសម្រស់ដ៏ស្រស់ស្អាតរបស់ពួកគេម្នាក់ៗ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សចង់ដឹងថាតារាស្រីទាំងនោះមានអ្នកណាខ្លះ? តោះ!ទៅទស្សនាទាំងអស់គ្នា៖
១. Nychaa Nuttanicha
តួឯកស្រីមុខស្រទន់ ប្រចាំស្ថានីយទូរទស្សន៍ប៉ុស្តិ៍លេខ៣រូបនេះ នាងកាន់តែទទួលបានប្រជាប្រិយភាពខ្លាំងជាងមុន គួរឲ្យកត់សម្គាល់។ ជាក់ស្តែងនៅក្នុងរឿងភាគចុងក្រោយរបស់នាង ដែលមានចំណងជើងថា «Plerng Prang Tian» មានការគាំទ្រខ្លាំងពីសំណាក់អ្នកទស្សនា ហើយត្រូវបានគេលើកយកមកនិយាយសរសើរមិនដាច់ពីមាត់ទៀតផង។ ដោយឃើញពីភាពរីកចម្រើនរបស់នាងបែបនេះ មហាជននាំគ្នាសន្និដ្ឋានថាទៅថ្ងៃមុខ Nychaa អាចនឹងមានឱកាសក្លាយជាតារាស្រីកំពូល របស់ស្ថានីយក៏អាចថាបាន។
២. Bow Maylada
គ្រាន់តែគិតចាប់ពីដើមឆ្នាំ២០១៩ រហូតមកដល់ពេលនេះ Bow មានរឿងភាគចំនួនពីរដែលទទួលបានការគាំទ្រយ៉ាងខ្លាំងបាត់ទៅហើយ។ ទី១គឺរឿង «Pachara Montra» ដែលសម្តែងជាមួយលោកWeir Sukollawat និងរឿងទី២មានចំណងជើងថា «Mon Garn Bandan Ruk»សម្តែងរួមគ្នាជាមួយលោក Mik Thongraya។ទៀតសោតរឿងទាំងពីរសុទ្ធសឹងតែមាន ចំនួនអ្នកទស្សនាច្រើន ព្រោះតែទេពកោសល្យក្នុងការសម្តែង ដ៏ប៉ិនប្រសព្វរបស់នាង។
៣. Fern Nopjira
ក្រោយពីសម្តែងជាតួឯកស្រីនៅក្នុងរឿង «Huajai Sila» ជាមួយលោកTor Thanapob រួចមក Fernបានក្លាយទៅតារាស្រីមួយរូប ដែលមានប្រជាប្រិយភាពខ្លាំងតែម្តង។ ជាក់ស្តែងស្ថានីយទូរទស្សន៍ប៉ុស្តិ៍លេខ១ ក៏បានផ្តល់ឱកាសឲ្យនាងគ្រងតំណែងជាតួឯកម្តងទៀត នៅក្នុងរឿង «Kadee Ruk Karm Wehlah» ជាការសម្តែងរួមគ្នាជាមួយលោក Tao Sattaphong និងត្រៀមចាក់ផ្សាយលើកញ្ចក់ទូរទស្សន៍នាពេលឆាប់ៗ ខាងមុខនេះ។