ទុកកូនមួយឡែកសិន! Margie និងស្វាមី ឆ្លងថ្ងៃគម្រប់ខួបក្តីស្រលាញ់៥ឆ្នាំ រួមគ្នាយ៉ាងផ្អែមល្ហែម!

ថៃ៖ ធ្មេចបើកៗទៅរយៈពេល៥ឆ្នាំហើយ ដែលតារាសម្តែងស្រីកូនកាត់ថៃ-អេស្ប៉ាញ Margie Rasri មានទំនាក់ទំនងស្នេហាជាមួយតារាប្រុសហាយសូ Pok Patsankorn។ ទៀតសោតក្នុងរយៈពេល៥ឆ្នាំនេះ ពួកគេទាំងពីរបានឆ្លងរឿងរ៉ាវជាច្រើនជាមួយគ្នា ទាំងពិធីរៀបការ ហើយថែមទាំងមានកូនភ្លោះប្រុសស្រី ជាមួយគ្នាទៀតផង។

ជាក់ស្តែងកាលពីថ្ងៃទី១៤ ខែកញ្ញាកន្លងទៅថ្មីៗនេះ ត្រូវនឹងថ្ងៃគម្រប់ខួបដែលពួកគេស្រលាញ់គ្នា ៥ឆ្នាំតែម្តង។ ឆ្លៀតក្នុងឱកាសដ៏ពិសេសនេះMargie និងស្វាមី បាននាំគ្នាទៅញ៉ាំអាហារពេលល្ងាចតែពីរនាក់ យ៉ាងរ៉ូមែនទិច។

ជាមួយគ្នានេះផងដែរ ពួកគេទាំងពីរថែមទាំងបានផុសរូបគូ នៅក្នុងគណនីអ៊ីនស្តារក្រាមផ្ទាល់ខ្លួន ដោយភ្ជាប់ជាមួយពាក្យដ៏ផ្អែមល្ហែម រហូតធ្វើឲ្យអ្នកគាំទ្រ និងមិត្តរួមសិល្បៈជាច្រើន ចូលទៅComment សម្តែងការរីករាយជាមួយពួកគេគ្រប់ៗគ្នា៕​

សូមទស្សនារូបភាពខាងក្រោម៖