អង់គ្លេស៖ អតីតខ្សែបម្រើរបស់ Barcelona កីឡាករ Andre Gomes បានទម្លាយប្រាប់មូលហេតុដែលចាកចេញពីក្លិបអ្នកមានបុណ្យ មកចូលរួមជាមួយ Everton នៅទឹកដីអង់គ្លេស។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ខ្សែបម្រើវ័យ ២៦ឆ្នាំបានមកចូលរួមជាមួយ Everton ក្នុងលក្ខខណ្ឌខ្ចីជើងរយៈពេលមួយរដូវកាល កាលពីរដូវកាលមុន។ ឆ្នាំដំបូងជាមួយ Everton ខ្សែបម្រើ Gomes ចូលលេងបាន ២៧ប្រកួត និងបានបង្ហាញទម្រង់លេងមិនធម្មតា។ យ៉ាងណាក្រោយចប់កិច្ចសន្យាខ្ចីជើង Everton បានចំណាយថវិកា ២៥លានអឺរ៉ូដើម្បីទិញយកកីឡាករជម្រើសជាតិព័រទុយហ្គាល់រូបនេះ។
ក្នុងកិច្ចសន្ទនាជាមួយកាសែតអង់គ្លេសមួយ Gomes បានឲ្យដឹងថាអ្នកគាំទ្ររបស់ Everton បានធ្វើឲ្យអារម្មណ៍របស់គេចង់មកលេងនៅអង់គ្លេស។ អ្នកគាំទ្ររបស់ Everton ពិតជាអស្ចារ្យដែលគេមិនធ្លាប់បានឃើញនៅអេស្ប៉ាញ ដែលនេះជាហេតុផលធ្វើឲ្យគេផ្លាស់មកចូលរួមជាអចិន្រ្តៃយ៍ ក្រោយផុតកិច្ចសន្យាខ្ចីជើង។
“អ្នកគាំទ្រ គឺជាមួលហេតុ ៨០% ដែលខ្ញុំចុះកិច្ចសន្យាផ្លាស់ពី Barcelona មកលេងឲ្យ Everton នៅរដូវក្ដៅនេះ ក្រោយរយៈពេល ១ឆ្នាំក្នុងលក្ខខណ្ឌខ្ចីជើង។ អ្នកគាំទ្របានធ្វើឲ្យអារម្មណ៍របស់ខ្ញុំចង់មកលេងនៅទីនេះ។” សម្ដីរបស់ Andre Gomes។
ប្រភព៖ FoxSportsAsia
Bong I.T