ភ្នំពេញ៖ តារាសម្តែងប្រុសជើងចាស់ដ៏មានប្រជាប្រិយភាព លោក សាវីន ហ្វីលីព ពិតជារំភើបនៅក្នុងចិត្តយ៉ាងខ្លាំង ក្រោយកូនប្រុសច្បងជាទីស្រលាញ់ បានទទួលនូវលទ្ធផលល្អក្នុងការប្រលងបាក់ឌុបកាលពីពេលថ្មីៗនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សតែអ្វីដែលកាន់តែធ្វើឲ្យលោក និងភរិយារឹតតែរំភើបថែមទៀតនោះគឺ កាលពីព្រឹកមិញនេះ កូនប្រុសជាទីស្រលាញ់របស់គាត់ បានសម្រេចចិត្តបួសសងគុណជូនអ្នកទាំង២ដោយក្តីដឹងគុណចំពោះមាតាបិតា ដែលបានខិតខំបីបាច់ថែរក្សាចិញ្ចឹមរហូតដល់ធំពេញវ័យ។
សកម្មភាពជាច្រើននាព្រឹកមិញ បានធ្វើឲ្យតារាប្រុសរូបនេះពិតជារំភើប និងរីករាយក្នុងចិត្តណាស់ ដែលកូនប្រុសបានយកពេលប៉ុន្មានខែនេះ បួសសងគុណដោយទឹកចិត្តបរិសុទ្ធចេញពីចិត្ត។
មិនត្រឹមតែប៉ុណ្ណោះ ការបួសលើកនេះ ព្រះតេជគុណ គូ ភាព បាននិមន្តមកកោរសក់កូនលោកដោយផ្ទាល់ផងដែរ។
អ្នកគាំទ្រជាច្រើនបាននាំគ្នាសរសើរដល់លោក ដែលមានកូនដែលប្រកបដោយគន្លងធម៌ចំពោះអ្នកមានគុណបែបនេះ៕
សូមទស្សនារូបភាព និងវីដេអូខាងក្រោម