កូរ៉េខាងត្បូង៖ គេឃើញមានបញ្ហាចមូ្រងចម្រាសជាច្រើន កាលពីមុននៅពេលដែលចម្រៀងមួយបទរបស់តារាចម្រៀងរ៉េបឥណ្ឌា Badshad ដែលមានចំណងជើងថា “Paagal” បានយកឈ្នះក្រុម BTS ដែលទទួលបានការចុចចូលមើលយ៉ាងច្រើនបំផុត ក្នុងរយៈពេលត្រឹមតែ ២៤ម៉ោងប៉ុណ្ណោះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយោងតាមការលើកឡើង បានបញ្ជាក់ថាមូលហេតុដែល បទចម្រៀងរបស់តារារ៉េបឥណ្ឌារូបនេះ អាចផ្តួលក្រុមចម្រៀងកូរ៉េ BTS បានក៏ព្រោះតែវីដេអូចម្រៀងរបស់គេ បានដាក់បញ្ចូលជាវីដេអូផ្សព្វផ្សាយពាណិជ្ជកម្ម ក្នុងវីដេអូដទៃទៀតក្នុង YouTube ដែលអ្នកមើលភាគច្រើនអាចឃើញដោយស្វ័យប្រវត្តិ។ ដូច្នេះហើយបានជា មហាជនទូទៅក៏ដូចជា ខាងក្រុមហ៊ុនYouTube គិតថាលទ្ធផលនេះ គឺវាមិនយុត្តិធម៌សម្រាប់ អ្នកដទៃទៀត ដូចនេះហើយទើបបានជាខាង ក្រុមហ៊ុន YouTube ធ្វើការសើរើនូវចំណាត់ថ្នាក់នេះសាឡើងវិញ។
ជាក់ស្តែងខាងក្រុមហ៊ុនYouTube បានសម្រេចចិត្តផ្លាស់ប្តូរ គោលការណ៍ច្បាប់នៃការរាប់ចំនួនចូលមើល សម្រាប់បទចម្រៀងក្នុងYouTube គឺពួកគេនឹងបញ្ឈប់នូវការរាប់ចូលនៃចំនួនមើលបានមកពីការដាក់ចូល ធ្វើជាវីដេអូផ្សព្វផ្សាយពាណិជ្ជកម្មតទៅទៀតហើយ គឺសម្រេចយកតែចំនួន ដែលចុចចូលមើលដោយផ្ទាល់តែប៉ុណ្ណោះ។
បច្ចុប្បន្នចំណាត់ថា្នក់ថ្មី ដែលកំពុងតែឈរ នៅកំពូលតារាងពេលនេះ គឺបានទៅលើក្រុមចម្រៀងបុរសBTS លើវីដេអូចម្រៀងដែលមានចំណងជើងថា “Boy With Luv (feat. Halsey)” ដែលទទួលបាន ការចុចចូលមើលរហូតដល់ ទៅ ៧៤.៦លានដងក្នុងរយៈពេលត្រឹមតែ ២៤ម៉ោងប៉ុណ្ណោះ។ រីឯចំណាត់ថា្នក់បន្ទាប់ បានទៅលើក្រុមចម្រៀងនារី BLACKPINK ជាមួយបទដែលមាន ចំណងជើងថា “Kill This Love” ដែលទទួលបាន ការចុចចូលមើល៥៦.៧ លានដងផងដែរ៕
Bong I.T