កូរ៉ខាងត្បូង៖ ដូចដែលអ្នកគ្រប់គ្នាដឹងហើយថា ក្រុមហ៊ុនគ្រឿងសម្អាងភាគច្រើន តែងតែនិយមជ្រើសរើសតារាស្រីល្បីៗជាអ្នកតំណាងឱ្យផលិតផល គ្រឿងសម្អាងរបស់ខ្លួន ដើម្បីងាយនឹងទទួលបានការចាប់អារម្មណ៍ ពីសំណាក់អតិថិជននារីៗតែម្តង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក៏ប៉ុន្តែក្នុងពេលបច្ចុប្បន្ននេះ គេឃើញថាមានក្រុមហ៊ុន នៃផលិតផលគ្រឿងសម្អាងរបស់កូរ៉េជាច្រើន បានផ្លាស់ប្តូរគោលការណ៍ ក្នុងការជ្រើសរើសអ្នកតំណាងជាស្រី មកជាអ្នកតំណាងប្រុស សម្រាប់ផលិតផលគ្រឿងសម្អាង របស់ពួកគេទៅវិញ។
ហើយជាក់ស្តេង តារាប្រុសទាំង៦ដួងនេះ ក៏ហាក់ដូចជាកំពុងតែទទួលបាន នូវការចាប់អារម្មណ៍ និងប្រជាប្រិយភាពយ៉ាងច្រើន ពីអថិតិជនជានារីៗ ក៏ដូចជាក្រុមហ៊ុនគ្រឿងសម្អាង ដទៃៗផ្សេងទៀតផងដែរ។ ក៏ព្រោះតែ តារាប្រុសទាំង៦ដួងនេះ ពួកគេគឺសុទ្ធសឹងតែ មាននូវមុខមាត់សង្ហាៗ ហើយចំណែកឯស្បែក និងផ្ទៃមុខរបស់ពួកគេវិញ គឺស្រស់ស្អាតមិនចាញ់ សុភាពនារីទូទៅប៉ុន្មាននោះដែរ។
ចង់ដឹងថាមានអ្នកណាខ្លះនោះសូមទៅទស្សនារូបភាពខាងក្រោមទាំងអស់គ្នា៖
១. Ong Seong Woo
Ong Seong Woo សមាជិកក្រុមWanna One រូបនេះគឺជាអ្នកតំណាង ក្រែមលាបបបូរមាត់នៃ ក្រុមហ៊ុនគ្រឿងសម្អាង Kat Maconie។
២. Lee Jinhyuk
Lee Jinhyuk សមាជិកក្រុមUp10tion រូបនេះក៏ជាអ្នកតំណាង ក្រែមលាបបបូរមាត់នៃក្រុមហ៊ុនគ្រឿងសម្អាងWakemake។
៣. Choi Bomin
Choi Bomin សមាជិកក្រុមGolden Child កាលពីពេលថ្មីៗនេះ បានក្លាយជាអ្នកតំណាងនៃ ផលិតផលតុបតែងមុខប្រចំាម៉ាកLily by Red។
៤. Bae Jinyoung
Bae Jinyoung សមាជិកក្រុមCIX ក៏ត្រូវបានជ្រើសរើសធ្វើជាម៉ូដែល សម្រាប់ក្រុមហ៊ុនគ្រឿងសម្អាង I’m MEME ។
៥. Kim Mingyu
Kim Mingyu ដែលមកពីកម្មវិធីProduce X 101 ត្រូវបានជ្រើសរើសធ្វើជាម៉ូដែល សម្រាប់គ្រឿងសម្អាង លាបស្បែក និងតុបតែងមុខ របស់ម៉ាក Banila Co ផងដែរ។
៦. Hwang Minhyun
Hwang Minhyun សមាជិកក្រុមNU’EST ក៏បានក្លាយជាអ្នកតំណាង មួយរូបសម្រាប់ផលិតផលសម្អាងម៉ាកI’m MEME ផងដែរ៕