Spurs និង Chelsea លត់មួយចាស់ៗដៃ ខណៈ Man City ស្គាល់បរាជ័យលើកដំបូង (មានវីដេអូ)

អង់គ្លេស៖ Tottenham Hotspur បានយកឈ្នះក្រុមភ្ញៀវ Crystal Palace ៤ទល់និង០ រីឯ Chelsea បានយកឈ្នះម្ចាស់ផ្ទះ Wolverhampton Wanderers ២-៥ សម្រាប់ការប្រកួតសប្ដាហ៍ទី៥ ពានរង្វាន់ Premier League។

៤គ្រាប់របស់ Spurs រកបានដោយខ្សែប្រយុទ្ធកូរ៉េខាងត្បូង Son Heung-min ២គ្រាប់ រីឯ ២គ្រាប់ទៀតរកបានដោយកីឡាករ Patrick Van Aanholt និង Erik Lamela ម្នាក់មួយគ្រាប់។

រីឯ ៥គ្រាប់របស់ Chelsea វិញរកបានដោយខ្សែប្រយុទ្ធវ័យក្មេង Tammy Abraham ៣គ្រាប់ (Hat-Trick) និង ២គ្រាប់ទៀតរកបានដោយកីឡាករ Fikayo Tomori និង Mason Mount ម្នាក់មួយគ្រាប់។ ខណៈ ២គ្រាប់របស់ Wolves រកបានដោយកីឡាករ Patrick Cutrone ១គ្រាប់ និង១គ្រាប់ទៀតឺជាបាល់ Own Goal។

អ្វីដែលគួរឲ្យចាប់អារម្មណ៍សម្រាប់ការប្រកួតយប់មិញនោះ គឺម្ចាស់ជើងឯករដូវកាលមុន Manchester City បានភ្លាត់ស្នៀតចាញ់ក្រុម Norwich City ៣-២ ដែលនេះជាបរាជ័យលើកដំបូងរបស់លោក Pep សម្រាប់រដូវកាលថ្មី។

លទ្ធផលគូផ្សេងៗទៀតដែលលេងកាលពីម្សិលមិញ៖

Liverpool 3-1 Newcastle United

Brighton 1-1 Burnley

Manchester United 1-0 Leicester City

Sheffield United 0-1 Southampton

សូមទស្សនាវីដេអូ Highlight នៅខាងក្រោម៖