អ្នកណាមិនច្រណែន! បើជីវិតគ្រួសាររបស់ នៅ សូនីតា ជាមួយស្វាមី ពោរពេញដោយសុភមង្គលបែបនេះ

ភ្នំពេញ៖ អ្នកនាង នៅ សូនីតា ដែលជាតារាសម្ដែងស្រី និងជាពិធីការិនីដ៏ឆ្នើមផងនោះ បានធ្វើឲ្យមហាជនមានការនឹករលឹកគ្រប់គ្នា បន្ទាប់ពីបាត់មុខមាត់ពីសិល្បៈមួយរយៈ ក៏ព្រោះតែត្រូវមើលថែទាំកូនដំបូង ទើបតែសម្រាលរួច។

ប៉ុន្តែ យ៉ាងណាមិញ បើទោះជាតារាស្រីរូបនេះ ទើបតែសម្រាលមិនទាន់បានបីខែស្រួលបួលក្ដី តែបើងាកមកមើលសម្រស់របស់នាង នៅតែមានភាពស្រស់ស្អាត និងគួរឲ្យទាក់ទាញ មិនចាញ់ក្រមុំៗប៉ុន្មានទេ។

អ្វីដែលរឹតតែពិសេសនោះគឺ កាលពីពេលថ្មីៗនេះ នៅ សូនីតា បានធ្វើឲ្យហ្វេនៗភ្ញាក់ផ្អើលយ៉ាងខ្លាំងក្រោយពីឃើញរូបថតជាលក្ខណៈគ្រួសារជុំគ្នា ជាលើកដំបូង ជាមួយស្វាមីជាទីស្រលាញ់ លោក ទិត្យ ថាវរិទ្ធ និងកូនប្រុសដំបូង។

ទន្ទឹមនឹងនេះដែរ តាមរយៈរូបភាពប៉ុន្មានសន្លឹកនោះ គេឃើញថា សមាជិករាល់គ្នា សុទ្ធតែប្រកបដោយស្នាមញញឹមស្រស់ថ្លា មើលទៅហាក់ដូចជា កំពុងមានសុភមង្គលយ៉ាងខ្លាំង ថែមទាំងបានធ្វើឲ្យហ្វេនៗមួយចំនួន ច្រណែនជីវិតគ្រួសារតូចរបស់ នៅ សូនីតា ដែលមានទាំងស្វាមីចេះយល់ចិត្តស្រលាញ់ថ្នាក់ថ្នម និងមានកូនប្រុស ដ៏គួរឲ្យស្រលាញ់បែបនេះទៀតផង៕

ចង់ជ្រាបច្បាស់ ទស្សនារូបភាពខាងក្រោម៖