ភ្នំពេញ៖ នៅយប់ស្អែកនេះ អ្វីដែលអស្ចារ្យបំផុតសម្រាប់គូប្រគួតដំបូងគេនូវព្រឹត្តិការណ៍ EPL សម្រាប់យប់នេះគឺ Manchester United Vs Leicester City នៅម៉ោង 20:45 – 21:00 ហើយមានតែនៅលើកញ្ចក់ទូរទស្សន៍ MYTV និង CNC ដែលមានសិទ្ធិធ្វើការផ្សាយបន្តផ្ទាល់ (Live) ពីព្រឹត្តិការណ៍បាល់ទាត់លំដាប់ពិភពលោក Premier League ឬហៅកាត់ថា EPL។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សបន្ថែមលើនេះ មិនត្រឹមតែព្រឹត្តិការណ៍ដ៏រំជើបរំជួលរបស់ EPL បានចាប់ផ្តើមនៅយប់ស្អែកនេះ ក៏នៅមានព្រឹត្តិការណ៍ដ៏ពិសេសមួយទៀតនៅយប់ស្អែកនេះដូចគ្នា គឺសិទ្ធិធ្វើការផ្សាយបន្តផ្ទាល់ (Live) ព្រឹត្តិការណ៍បាល់ទាត់លំដាប់ពិភពលោក LA LIGA ផងដែរ ដោយគូដំបូងគេដូចគ្នាគឺ Real Sociedad Vs AT Madrid នៅម៉ោង 23:15 – 23:30 និងធ្វើការផ្សាយបន្តផ្ទាល់នៅលើកញ្ចក់ទូរទស្សន៍ CNC តែមួយគត់។
ក្រុមហ៊ុន CBS ដែលរួមមានទូរទស្សន៍ CTN, MyTV និង CNC ផងនោះ បានទទួលសិទ្ធិផ្តាច់មុខក្នុងការផ្សាយបន្តផ្ទាល់ (Live) ព្រឹត្តិការណ៍បាល់ទាត់លំដាប់ពិភពលោកទាំង២ ដែលរួមមាន Premier League (EPL) និង LI LAGA នៃរដូវកាលថ្មីឆ្នាំ២០១៩-២០២០ នេះតែមួយគត់៕