ឃើញហើយចង់លង់ ពេលឈិន មុន្នីនាថ តែងខ្លួនបានប្លែកភ្នែកដូចព្រះនាងក្នុងរឿងនិទាន

ភ្នំពេញ៖ ​មួយរយៈចុងក្រោយនេះ ឈិន មុន្នីនាថ ហៅលីនី ដែលជាតារាសម្ដែង ស្រីវ័យក្មេងមុខស្រស់ ហាក់ដូចជាមានហាងឆេងខ្ពស់ និងតែងតែលេចមុខ ក្នុងខ្សែភាពយន្តល្បីៗជាច្រើនផងដែរ។

ក្រៅពីនេះដែរ បើងាកទៅមើល សម្រស់របស់តារាស្រីពន្លកថ្មីរូបនេះវិញ គឺកាន់តែមានភាពស្រស់ស្អាតខ្លាំងឡើងជាលំដាប់ បូករួមនឹងស្ទាយ៍តុបតែងខ្លួន តាមបែបយុវវ័យបាន យ៉ាងសាកសមផងនោះ នាថ ឆាបយកបេះដូងពី ហ្វេនៗបានមិនតិចនាក់ទេ។

ជាក់ស្ដែង ថ្មីៗនេះ ឈិន មុន្នីនាថ បានធ្វើឲ្យមហាជនរាល់គ្នា​ ឈ្លក់វង្វេងនឹងសម្រស់របស់នាងសារជាថ្មី បន្ទាប់ពីឃើញរូបភាព ជាច្រើនសន្លឹករបស់នាង ក្នុងឈុតរ៉ូបខ្លី ពណ៌ស ដែលមានការច្នៃម៉ូតឡើងយ៉ាងប្លែកភ្នែក អមដោយផ្ទៃមុខដ៏ស្រស់ផូផង់ផងនោះ មើលទៅលេចធ្លោ ដូចព្រះនាងក្នុងរឿងនិទាន បេះដាក់តែម្ដង។

ទន្ទឹមនឹងនេះដែរ គ្រាន់តែឃើញរូបថត ប៉ុន្មានសន្លឹកនោះភ្លាម មានអ្នកគាំទ្រជាច្រើន ពេញចិត្តស្ដូក និងសរសើរដល់នាងគ្រប់គ្នា ដែលចេះលេងខ្លួនបាន គួរឲ្យចាប់អារម្មណ៍បែបនេះ៕

ចង់ជ្រាបច្បាស់ ទស្សនារូបភាពខាងក្រោម៖